1 SAMUEL 10:12 - Pathien Lekhabu Inthieng (BSI)

¹² Chun, a umna khuoa mi pakhatin a dawn a, “An pa chu tu am a ni bîk leh?” an ta. Chuongchun, “Saula khawm chu zâwlnei a ni ve el ta a ni maw chu?” ti chu ṭawngna takah an hmang ta zing a.

1 SAMUEL 10:12 ပူးပေါင်းရင်းမြစ်များ

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

JOHAN 7:16

Chun, Isûn anni chu a dawn a, “Ka thu inchûktir hi ka ta a ni naw a, a mi tirtu ta a ni lem.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

1 SAMUEL 10:13

Chun, an thu hril duol duolnaa a ṭhang zo chun bâwlhmun chu a tlung ta a.

1 SAMUEL 19:23

Chuongchun, Rama khuoa Naiotha chun a fe a, chun, Pathien thlarau chu a chunga chun a hung tlung ve ta a, a fe pei a, Rama khuoa Naioth a tlung hmakhat chun thu a hril malam pei a.

1 SAMUEL 19:24

Chun, ama khawmin a silfênhai a hlîp ve a, Samuel hmaa chun thu a hril ve ta nuk nuk a, chu ni zânkhuo le sûnnithlâk chun ruokin a zâl a. Chuleiin, “Saula khawm chu zâwlneihai lai a ṭhang ve el am a ni tah?” ti hi an chîng sawng ta a.