1 PETER 5:9 - Pathien Lekhabu Inthieng (BSI)

⁹ In unau khawvêla umhai chunga chun chuong anga tuorna chu a tlung ve a nih ti hrein, awi dettaka umin, ama chu do ro.

1 PETER 5:9 ပူးပေါင်းရင်းမြစ်များ

LUKA 22:32

nisienlakhawm, i ringna a bo nawna dingin ka ṭawngṭaipêk che a nih, i ngha kîr nâwk pha nangin i unauhai sukdet rawh,” a ta.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

EPHESI 4:27

Diebol chu hmun inkien bawk naw ro.

EPHESI 6:16

Chu naw khawm chu ringna phaw la unla, chu chun mi suol thal chawk thei po po chu sukmit thei in tih.

KOLOSSA 2:5

Ka taksain in kuomah um naw lang khawm, in felzie le Krista in ring detzie hre zingin lâwmtakin thlaraua chun in kuomah ka um si a.

1 THESSALONIKA 3:3

hieng rinum tuorna lei hin tûkhawm an inhnîng nawna dingin; hienghai hi tuor dinga ruot kan nih ti nangni ngeiin in hriet si a.

1 TIMOTHE 6:12

Ringna inruolsiekna ṭha chu thaw la, chatuon hringna chu chel rawh; chu chu chang dinga ko i na, hretu tamtakhai mithmuah ṭanna ṭha chu i ṭan ta kha.

2 TIMOTHE 3:12

Anih, tûkhawm Krista Isua Pathien ngaisaka um tum taphawt chun suknawmnatnahai tuor bawk an tih.

2 TIMOTHE 4:7

Inruolsiekna ṭha chu ka thaw zo ta a, kân tlânsiekna lampui chu ka suo ta a, ringna chu ka vawng zing ta a nih.

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

HEBRAIHAI 12:8

Nau po po ihlaw hlak thununna chu hlaw lova in um chun, nau tak ni lovin, sâwn in ni, a ni ding a nih.

JAKOB 4:7

Chuongchun, Pathien thu thuin um ro; amiruokchu, Diebol chu kal ro, chuongchun, tlân hmang san a ti cheu.

1 PETER 1:6

Chutaka chun nasatakin in hlim a nih, tuhin, (a ṭûl chun) thlêmna tinrêng leiin lungngai hri unla khawm;

1 PETER 2:21

Krista khawm khan a tuorpêk cheu leiin hieng ang hi thaw dinga ko in nih in sawnnaw; a kehnunga in zuina dingin enkhi ding a mâksan pêk cheu kha.

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

1 PETER 4:13

Krista tuornahaia tuorpuituhai in ni zie ang peiin lâwm lem ro; chuongchun, a ropuina a hung inlang pha chun nangni khawm hlimtakin lâwm thei in tih.

THUPUONGSUO 1:9

Kei Johan, in unaupa le, Isu rinumna dâm, khuoletui dâm, selna dâm inṭâwmpuitu cheu hi, Pathien thu lei le, Isu inhriettirna thu leiin Patmos thlierkâr an tia chun ka um a.

THUPUONGSUO 6:11

Chun, an kuoma chun puon vâr an pêk seng a; chun, an suok chanpuihai le an unauhai, anni ang bawka that dinghai khawm chu an kim hmakhat chun an la châwl hri ding a nih ti an hril a.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.