1 PETER 5:8 - Pathien Lekhabu Inthieng (BSI)

⁸ Ngaiven unla, fimkhur ro; in khingpui Diebol chu sakeibaknei inrûm hlak angin a fâk thei ding zawngin ân vêl ruoi hlak a nih.

1 PETER 5:8 ပူးပေါင်းရင်းမြစ်များ

ESTHER 7:6

Esther chun, “Hmêlma le khingpui chu hi mi rilotak Haman hi a nih,” a ta. Chuongchun, Haman chu lal le lalnu hmaa chun a ṭi ta a.

JOB LEKHABU (THE BOOK OF JOB) 2:2

Lalpa chun Setan kuoma chun, “Nang khâwtienga inthawka hung am i na?” a ta. Setan chun Lalpa chu a dawn a, “Hnuoia kân vâk vêlnaa le chutaka a suk a tunga inlawnnaa inthawkin,” a ta.

INPÂKNA HLABU 104:21

Sakeibaknei vânglaihai chun an sa se ding chu inrûmkhumin, Pathien kuoma inthawka an fâk ding an zawng hlak.

INPÂKNA HLABU 109:6

Nangin a chungah mi suol sie la, A changtieng chun hêktu ngîr raw se.

THUVARHAI 19:12

Lal lunginsenna chu sakeibaknei inrûm ri ang a na, A ditsakna ruok chu hlohna chunga daidaw ang a nih.

THUVARHAI 20:2

Lal ṭiumna chu sakeibaknei inrûm ri ang a na, Ama suklungsentu chun ama hringna chunga ngei chun thil a suksuol a nih.

THUVARHAI 28:15

Rorêltu suol chu mi pase chunga chun, Sakeibaknei inrûm hlak le savawm inhûk hlak ang hi a nih.

ISAI 50:8

Thiem mîn changtirtu chu a hnai a, tuin am mi do a ta? Ngîr ve vêng ei tih; a mi dotu chu tu am a ni leh? Mi hung hnai raw se.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um lovin a kâng zo ta a.

JEREMIA 51:38

Sakeibaknei vânglaihai angin a ruolin inrûm an ta, sakeibaknei têhai angin innghir an tih.

EZEKIEL 19:7

An in ropuihai chu a hriet a, an khawpuihai a suksiet a, Ân rûm ri leiin ram chu râusanin a um a, a bitna lai po po le chun.

EZEKIEL 22:25

Sakeibaknei inrûmin a sa fâk ding ân rûm khum angin, a sûnga chun a zâwlneihai chu phierrûkna a um a; mi tin hringin an fâk zo a, thil hluhai le thil rohai chu an lâk a, a sûnga chun hmeithai tamtak an siem a.

DANIEL 6:24

Chun, lal chun thu a pêk a, chuong Daniel hêktuhai chu an hung ṭhuoi a; anni leh, an nauhai leh, an nuhmeihai le chun sakeibakneihai pûka chun an pei tah a; anni chu sakeibakneihai chun an lo thaw tah a, an ruhai chu a nawi nawiin an suktliek vawng a, pûk ṭuong chu an tlung hman naw hiel lem a nih.

HOSEA 11:10

Lalpa chu zui an ta, Sakeibaknei anga inrûm ding chu; Anih, inrûm ngei a ta, Khaw thlang tienga inthawkin a nauhai chu Inthin pumin hung an tih.

HOSEA 13:8

Savawm a tê chân angin anni chu thâwng ka ta, An lung tuomtuhai chu keithlêr vawng ka ta, Chu hmuna chun sakeibaknei angin Anni fa zo ka tih; Ramsain a kei dar vawng ding angin.

JOEL 3:16

“Chun, Lalpa chu Zion tlânga inthawkin inrûm dur dur a ta, Jerusalema inthawkin a râwl insuong a ta; vân le hnuoi inhnîng an ta; nisienlakhawm, Lalpa chu a mihai ta dingin inhumhimna nîng a tih, Israel mipuihai ta dingin kulbîng nîng a tih.

AMOS 1:2

Chun, ama chun, “Lalpa chu Zion tlânga inthawk chun inrûm hum hum a ta, Jerusalema inthawkin a râwl insuong a ta, berâm vêngtuhai ran tlatna hmunhai chu lungngai an ta, Karmel tlâng sîp chu ṭuoi a tih,” a ta.

AMOS 3:4

Sakeibakneiin sa a man naw lai ramhnuoiah ân rûm hlak am a nih? Sakeibaknei vânglaiin iengkhawm a man naw chun a pûka inthawk chun ân rûm hlak am a nih?

AMOS 3:8

Sakeibaknei ân rûm a, tuin am ṭi nâwng a ta? Lalpa Pathien chun thu a hril a, tuin am hril naw thei an ta?” tiin.

ZEKARIA 11:3

Berâmpuhai inrûm ri chu e, An ropuina suksiet a ni ta si a! Chu, sakeibaknei vânglai inrûm râwlri chu! Jordan ramngaw chu suksiet a ni ta si a.

ZEKARIA 3:1

Chun, thiempu lal Josua Lalpa vântirko hmaa ngîr le, Setan chu a khingpui ni dinga a changtienga ngîr chu a mîn entir a.

MATTHAI 13:39

Hmêlma a thetu chu diebol a na; bu sîk chu khawvêl tâwpna ding a na; bu sîktuhai chu vântirkohai an nih.

MATTHAI 24:42

Chuongchun, ngaiven ro, ieng ni am in Lalpa a hung ding in hriet si naw a.

MATTHAI 25:41

“Chu zoa chun a vawitienga mihai kuoma khawm chun, ‘ṭawngsephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MATTHAI 4:1

Chu zoa chun Isu chu Diebol thlêma um dingin Thlarauin thlalêrah a ṭhuoi ta a.

MATTHAI 4:11

Chu hnunga chun diebol chun a zâmsan ta a. Chun, ngai ta, vântirkohai hungin a rawng an bâwlpêk ta a.

MARKA 4:15

Chun, lampui sîra thu thênahai chu hieng hi an nih; thu an hriet phingleh Setan chun an lungrila thu thea um chu a lâkpêk nghâl hlak.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.

LUKA 21:36

Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.

LUKA 22:31

“Simon, Simon, ngai ta, Setanin, bu rel anga a rel theina ding cheuin, nangni rawi hi a hni cheu annaw;

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

2 KORINTH 2:11

chuong naw chun, Setanin mi tlâkkhal rawi a tih, a zâwrna chu ei inhmai si naw a.

EPHESI 4:27

Diebol chu hmun inkien bawk naw ro.

EPHESI 6:11

Diebol zâwrnahai chu in do zona dingin Pathien râlthuom famkimin inthuom ro.

1 TIMOTHE 2:15

Nisienlakhawm, nuhmei chu ringna le hmangaina le, inthiengna neia lungril feltak puta a um chun, nau nei leiin sandamin um a tih.

1 TIMOTHE 2:9

Chuong ang bawkin, nuhmeihai khawm silfên mâwl tak leh, inchei taluo lovin, thuom inchawi tâwkin inthuom hai sienla, sam phierin amanih, rângkachakin amanih, lunghluin amanih, puon man tamtakhaiin amanih inchei lovin.

1 TIMOTHE 3:11

Chuong ang bawkin nuhmeihai khawm mi inzâum an ni ding a nih; hêktuhai ni lovin, insûm thei le iengkima ringum an ni ding a nih.

1 TIMOTHE 3:2

Chuongchun, kohran hotu chu sawisêlbo, nuhmei pakhat nei, insûm thei, lungril indiktak, mi fel, mi lâwm dân thiem, inchûktir dân thiem,

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

TITA 1:8

Mi lâwm dân thiem, a ṭha tieng dit, lungril indiktak, mi fel, mi inthieng, insûm thei mi a ni lem ding a nih.

TITA 2:12

Pathien ngaisak nawna le, khawvêl châknahai bânsanin, tulai khawvêla hin insûm le feltak le Pathien ngaisakin ei um ding a nih ti mîn chûktirin,

TITA 2:2

Putarhai chu insûm thei, inzâum, lungril feltak; ringna le hmangaina le selnaa indiktak ni dingin infui rawh.

TITA 2:4

la nunghâk deuhai chu an pasalhai hmangai ding dâm, an nauhai hmangai ding dâm,

TITA 2:6

Chuong ang bawkin la tlangvâl deuhai chu lungril feltak put dingin infui bawk rawh.

JAKOB 4:7

Chuongchun, Pathien thu thuin um ro; amiruokchu, Diebol chu kal ro, chuongchun, tlân hmang san a ti cheu.

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

1 PETER 4:7

Nisienlakhawm, thil po po tâwpna chu a hnai ta a, chuleiin, in ṭawngṭai theina dingin lungril feltak putin fimkhur ro.

THUPUONGSUO 12:10

Chun, vâna chun rawl inringtakin, “Tuhin chu ei Pathien sandamna le thilthawtheina le ram chu a hung tlung ta a, a Krista thuneina leh; ei unauhai hêktu, ei Pathien hmaa a sûn a zâna hêk hlaktu chu, an pei thlâk ta si a.

THUPUONGSUO 12:12

Chuleiin, aw vânhai le a sûnga umhai, lâwm ro! Hnuoi le tuipuia um po pohai, in chung a rik ie! Diebol chun hun tlâwmte chau a nei tah ti hrea lunginsen bêk bêka in kuoma a hung thla ta leiin,” a ti ka hriet a.

THUPUONGSUO 12:9

Chun, dragon lientak, Rûlpui tar, Diebol le Setan an ti, khawvêl po po hlêmtu chu, an pei thlâk ta a; hnuoiah an pei a, a tirkohai khawm an pei thlâk sa ve a.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei ta a; chuongchun, chatuonin a sûn a zâna sawisakin um an tih.

THUPUONGSUO 20:2

dragon, rûlpui tar chu (chu chu Diebol le Setan a nih) a man a, kum sâng khata dingin a khuop a,

RORELTUHAI 14:5

Chuongchun, Samson chu a nu le pa le chun Timnaa chun an zu fe a, Timnaa grêp huon hi an zu tlung a; chun, ngai ta, sakeibaknei vânglai hin a lo inrûm khum a.