1 PETER 5:4 - Pathien Lekhabu Inthieng (BSI)

⁴ Chun, Berâm Vêngtu Laltak chu a hung inlang pha, ropuina lallukhum chuoi thei naw chu hmûng in tih.

1 PETER 5:4 ပူးပေါင်းရင်းမြစ်များ

INPÂKNA HLABU 23:1

Lalpa chu ka Berâmpu a nih, tlasam naw ningah.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

EZEKIEL 34:23

An chunga chun berâmpu pakhat sieng ka ta, ka siehlaw David ngei chu, ama chun anni chu châwm a ta, an ta dingin berâmpu nîng a tih.

EZEKIEL 37:24

Chun, ka siehlaw David chu an chunga lal nîng a ta, chuongchun, berampu pakhat nei an ta, ka rorêlhai khawm chu hrâwng an ta, ka thu- ruothai chu pawmin thaw bawk an tih.

DANIEL 12:3

Chun, mi varhai chu vâna var ang khin var tâng an ta; chun, mihai felna tienga lo ṭhuoi lûttuhai chu chatuonin arasihai angin var tâng an tih.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai Lalpa chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

JOHAN 10:11

Kei bêram vêngtu ṭha chu ka nih; berâm vêngtu ṭha chun berâmhai ta dingin a hringna a pêk hlak.

1 KORINTH 9:25

Chun, inruolsieknahai dâma chun a thaw ṭâl ṭâl taphawt chu iengkimah an insûm hlak a nih. Anni chun lallukhum sethei hmu dingin an thaw a,

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangaituhai kuoma a tiem chu a hmu ding a ni si.

1 PETER 1:4

rochan se thei naw, inthieng nawna kai naw, chuoi thei naw, vâna in ta dinga a ikhêk chu hmu dingin.

1 PETER 2:25

Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nâwk ta hi.

1 PETER 5:2

Nangni laia Pathien Pâwlhai chu enkawl ro. Thaw ding a ni lei ni lovin, Pathien thu anga inhâwk pum lemin, hlêpna tirdakum dit lei ni lovin, lungrila inhâwktak lemin,

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri naw a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni si a.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 3:11

Ka hung vak ding a nih, tûkhawmin i lallukhum chu an lâkpêk nawna ding chein, i thil nei sa kha kawl tlat rawh.