1 PETER 4:12 - Pathien Lekhabu Inthieng (BSI)

¹² Dittakhai, nangni laia fiena nasatak hung um, nangni fiena dinga in chunga hung tlung hi, thil mak in chunga tlung angin makti naw ro.

1 PETER 4:12 ပူးပေါင်းရင်းမြစ်များ

THUHRILTU 5:8

Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing si a, anni nêka insâng lem khawm chu an la um pei a nih.

ISAI 28:21

A sin, a sin danglam chu, a thaw theina ding le, a thilthaw, a thilthaw danglam chu a muolsuo theina dingin, Lalpa chu Perazim tlânga a tho ang khan a tho ding a ni si a, Gibeon ruoma a lunginsen ang khan a lunginsen ding a ni si a.

DANIEL 11:35

Chun, chuong a varhai chu hun tâwpa chun anni chu sukvar ding le, sukfai ding le, sukṭha dingin tlûng an tih; hun ruota ding chu a la ni leiin.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

1 KORINTH 3:13

ni chun a suklang ding a ni si a, meiin ân lâr ding a ni leiin, mei ngei chun mi tin sinthaw chu ieng ang am a ni fie tâng a tih.

2 TIMOTHE 3:12

Anih, tûkhawm Krista Isua Pathien ngaisaka um tum taphawt chun suknawmnatnahai tuor bawk an tih.

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

1 PETER 4:4

Chuonga chun anni inhawitir taluo anga in um ve ta naw hi mak an ta, an hrilsiet hlak cheu a nih.

1 PETER 5:9

In unau khawvêla umhai chunga chun chuong anga tuorna chu a tlung ve a nih ti hrein, awi dettaka umin, ama chu do ro.