1 PETER 3:8 - Pathien Lekhabu Inthieng (BSI)

⁸ A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.

1 PETER 3:8 ပူးပေါင်းရင်းမြစ်များ

INPÂKNA HLABU 103:13

Pain a nauhai a lunginsiet ang hin, Lalpa chun ama ṭituhai chu a lunginsiet hlak.

THUVARHAI 28:8

Sum duâmna le hlâwkna dinga a thuomhnaw sukpungtu chun, Mi pase chunga lunginsietna neitu ta dingin a khâwlkhâwm a nih.

ZEKARIA 7:9

Rorêlna ṭha chu suksuok unla, mi tinin mâni unau chungah zângaina le lunginsietna inlangtir raw se;

MATTHAI 18:33

ka lunginsiet che ang khan nang khawmin i suok chanpui i lunginsiet ve ding a ni naw am a nih?’

LUKA 10:33

Amiruokchu, Samari rama mi tû amanih ân zin fe hin a umna chu a hung tlung a, a hmu phingleh a lunginsiet bêk bêk a.

THILTHAWHAI 2:1

Chun, Pentikost ni a hung tlungin, an rêngin hmun khatah an um khâwm vawng a.

THILTHAWHAI 27:3

A zîngah Sidon khuo kan sîr a, chun, Julia chun Paula a sukṭha hle a, insukhar dingin a ruolhai kuomah ân lêng tir a.

THILTHAWHAI 28:7

Chun, chu hmun kâwla chun chu thlierkâra laltak a hming Publia ram a um a, ama chun a mi lo lâwm a, ni thum lâwmtakin a mîn tlungtir a.

THILTHAWHAI 4:32

Chun, a ringtu mipuihai chu lungril hmunkhat le ngaituo hmunkhatin an um a; anni laia pakhat khawmin an sum nei, “Ka ta bîk a nih,” an ti nawh; thil po po an inṭâwm lem hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:10

Unauhai hmangai kawnga chun inhmangai takin inlainat tuo seng ro; chawimawi kawnga chun inditsak tuo seng ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:5

Tuorselna le thlamuongna Pathien chun Isu Krista hril angin lungril hmunkhat put dingin inumtir raw se cheu;

1 KORINTH 1:10

Chun, unauhai, in rênga thu hmunkhat in hril a, nangni lai inṭhena hrim a um nawna dingin, lungril hmunkhat le ngaituo hmunkhata feltaka in inzawm tlat lemna dingin ei Lalpa Isu Krista hmingin ka ngên cheu.

1 KORINTH 12:26

Chuongchun, pêng khatin a tuor chun, pêng po poin an tuorpui hlak, pêng khat chawimawia a um chun, pêng po poin an lâwmpui hlak.

EPHESI 4:2

inngaitlâwmna le thuhnuoirawlna po po neia, hmangainaa indâwtuo puma dâwtheina neia,

EPHESI 4:31

Khâkna dâm, lunginsenna dâm, inngâwkna dâm, hrângna dâm, hrilsietna dâm po po bânsanin um raw se, suolna po po leh.

EPHESI 4:32

Chun, inlunginsiet tuoa, lainatna neiin um unla, Pathienin Kristaa a ngaidam ang bawk cheuin inngaidam tuo ro.

PHILIPPI 2:3

Esêlna le inngaihlut leia iengkhawm thaw lovin, mi tinin inngaitlâwmtakin mâni nêkin mi dang ṭha lemah ngai seng raw hai se.

PHILIPPI 3:16

Iengkhawm ni sien la, ei phâk chin ang pei hi sukdikin, chutaka inthawk chun fe pei ei tiu.

KOLOSSA 3:12

Chuongchun, Pathien mi thlang, mi inthieng le dittakhai angin inlainatna lungril dâm, ngilneina dâm, inngaitlâwmna dâm, thuhnuoirawlna dâm, dawtheina dâm chun inthuom ro.

HEBRAIHAI 13:1

Unau inhmangaina hi um pei raw se.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

JAKOB 5:11

Ngai ta u ! tuortuhai chu hamṭha ei ti a, Job selzie chu in hriet a, Lalpain a tâwpa a thaw zie khawm kha in hmu bawk a; Lalpa chu lunginsietnain a sipzie le za a ngai theizie khawm kha.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 2:17

Mi po po chawimawi ro. Unauhai chu hmangai ro, Pathien ṭidêk ro. Laltak chu chawimawi ro.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

2 PETER 1:7

in Pathien ngaisaknaa chun unau laka ngilneina, in unau laka ngilneina chun hmangaina inṭhangtir ro.

1 JOHAN 3:14

Unauhai ei hmangai leiin thinaa inthawkin ei suok a, hringnaah ei lût tah ti ei hriet. Tûkhawm hmangaina nei naw taphawt chu thinaah a la um zing a nih.