1 PETER 3:20 - Pathien Lekhabu Inthieng (BSI)

²⁰ Chuonghai chun, inhmaa Noa dam laia lawng siem sûng poa, Pathien dâwtheinain a nghâk lai khan an awi naw a; chu lawnga chun, mi tlâwmtê (chu chu pariet tina a nih) tuia inthawka sandamin an um tah.

1 PETER 3:20 ပူးပေါင်းရင်းမြစ်များ

INṬANNA 6:13

Chun, Pathienin Noa kuoma chun, “Tisa po po suktâwpna ding thu ka sukthlûk tah: anni leiin hnuoi hi inpâwngnêknain a sip zo ta si a: chuongchun, ngai ta, a hnuoi pumin ka sukbohmang ding a nih.

INṬANNA 6:3

Chun, Lalpa chun, “Ka thlarau chu thi thei mihriema chun chêng kumkhuo naw nih; anni chu tisa el an ni si a, chuongchun, an dam sûng kum khawm kum za le sawmhni ni raw se,” a ta.

INṬANNA 6:5

Chun, Lalpa chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 6:8

Noa ruok chun Lalpa lunginsietna a chang a.

INṬANNA 7:13

Chu ni ngei chun Noa le a naupasalhai Sem, Ham, Japheth le Noa nuhmei chu lawnga chun an lût ta a, a naupasalhai nuhmei pathum khawm an kuomah an lût ve a;

INṬANNA 8:1

Chun, Pathienin Noa le lawnga a kuoma thilhring tinrêng le ran um po po chu a hriet zing a; chun Pathienin hnuoi chunga hin thli ân hrângtir a, chuongchun, tui chu a hung kang ṭan ta a,

INṬANNA 8:18

Chuongchun, Noa chu a suok a, a naupasalhai le a nuhmei le a nauhai nuhmeihai khawm a kuomah an suok ve a;

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

MATTHAI 7:14

Hringnaa fena kawtkhâr chu a chîn a, a lampui khawm ân têp bawk a, a hmutuhai khawm tlâwmte an nih.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

THILTHAWHAI 2:41

Chun, a thu zâwm taphawt chun baptisma an chang ta a; chu nia chun mi sâng thum lai belsain an um a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:22

Lunginsenna bêl bohmang tlâkhai chunga chun, Pathienin a lunginsenna le a thilthawtheina inlangtir nuom sien khawm, a daw hrâm hrâm chun ieng am pawi a ta?

EPHESI 5:26

kohran chu tuia sâwpa, thu chun sukfaia ân thieng theina dingin;

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 1:9

in ring san, in thlarau sandamna chu hmuin.

1 PETER 2:25

Berâm inhmang anga in inhmang kha, tu ruok hin chu in thlarau vêngtu le, Hotu kuoma chun in kîr nâwk ta hi.

1 PETER 3:19

Chu chun, intângna ina thlarau umhai kuoma chun thu a zu khêkpui a.

1 PETER 4:19

Chuleiin, Pathien remti zâwng anga tuorhai chun, thil ṭha thawin an thlarauhai chu Siemtu ringumtak kuomah inkawltir raw hai se.

2 PETER 2:5

Chun, ama ngaisaknawhai umna, khawvêla khan tui suklêtin, tienlai khawvêl chu a hla naw a, nisienlakhawm, Noa, felna thu hriltu, mi dang pasari leh a sandam ta a.

2 PETER 3:15

Chun, ei Lalpa dawtheizie chu sandamnaa ruot ro; ei unaupa dittak Paula khawmin, a kuoma varna pêk ang peia in kuoma a ziek ang khan.