1 PETER 2:6 - Pathien Lekhabu Inthieng (BSI)

⁶ Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.

1 PETER 2:6 ပူးပေါင်းရင်းမြစ်များ

INṬANNA 49:24

Nisienlakhawm, ama thalngul chu ngartakin a um zing a, A kut thahai chu sukhrâtin a um a, Jakob Mihrât kut chun, (Chutaka inthawk chun berâm vêngtu, Israel lungpui chu a hung um a.)

INPÂKNA HLABU 40:14

Ka hringna sukbo tuma zawngtuhai chu, Muolphotak le inzaktakin um tâwl hai sienla, Ka sietna chunga lâwmhai chu, Innghatkîrtirin sukzakin um raw hai se.

INPÂKNA HLABU 89:19

Chuong lai chun i mi inthienghai kuomah inlârnaah thu i hril a, “Mi pakhat hrâttak chunga chun ṭhangpuina kân nghat a, Mi pakhat, mihai laia inthawka thlang suok chu ka chawimawi ta a.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 41:11

Ngai ta, in chunga lungninaw po pohai chu muolphotak le inzaktakin um an tih; nangni sêltuhai cheu chu iengkhawm ni lo ang nîng an ta, bohmang an tih.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

ISAI 50:7

Lalpa Pathien chun a mi ṭhangpui ding a ni si a; chuleiin, kân zak ngai naw a; chuleiin, meitâwklung ang tlatin ka ngha hlak, muolpho naw ning ti ka hriet.

ISAI 54:4

Ṭi naw, i muolpho âwm si naw a; beidawng bawk naw, muolphoin i um âwm bawk si naw a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si naw a.

DANIEL 10:21

Nisienlakhawm, thudik zieknaa ziek chu hril ka ti che: hi thil chungchâng thua hin, i lalpa Mikael ti chau naw chu tukhawm a mi ṭan zo hrim hrim an um nawh.

ZEKARIA 10:4

Amaa inthawkin a kia lung dâm, amaa inthawkin a kilna dâm, amaa inthawkin indona thalngul dâm, amaa inthawkin rorêltu dâm an hung suok tlâng vawng ding a ni si a.

MATTHAI 12:18

“En ta, ka siehlaw, ka ithlang, Ka idittak, ka lungrilin a ilâwm bêk bêk hi; A chungah ka Thlarau sieng ka ta, Chuongchun, Jentailhai kuomah rorêlna thu hril a tih.

MARKA 12:10

Hi Pathien Lekha Thu hi in tiem naw am a nih? ‘In bâwltuhai lung dit naw kha, Chu ngei chu a kia lung ṭhangkaitak a lo ni tah.

LUKA 20:17

Nisienlakhawm, ama chun anni chu a en a, “Hi thu an ziek hi ieng am a na? ‘In bâwltuhai lung dit naw kha, Chu ngei chu a kia lung ṭhangkai tak a lo ni tah,’ ti hi.

LUKA 23:35

Chun, mipuihai chun ngîrin an thlîr a. Chun, hotuhai khawmin, “Mi dang hman a sukdam hlak annâwm; Pathien ithlang Krista a ni zet chun ama le ama insukdam ta sienla,” tiin an ti-el a.

JOHAN 7:38

Tûkhawm a mi ring chu Pathien Lekha hril angin, tui hring vadunghai a phînga inthawkin hung luong suok a tih,” a ta.

THILTHAWHAI 1:16

“Unauhai, Thlarau Inthiengin, David baua, Isu mantuhai ṭhuoitu Juda thu a hrillâwk kha, kha Pathien Lekha Thu kha hung tlung ding a ni hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:11

Pathien Lekha Thuin, “Tûkhawm ama ring taphawt chu muolpho naw ni hai,” a ti a nih.

EPHESI 1:4

Hmangainaa inthieng le, sawisêlboa ama hmaa ei um theina dingin leilung insieng hmain Kristaa chun a mi thlang a.

EPHESI 2:20

Isu Krista ngei chu a kia lung pawimawtak niin, tirkohai le zâwlneihai lungphûm chunga bâwl in nih.

2 TIMOTHE 3:16

Pathien Lekha Thu tinrêng hi Pathien inthuok khuma pêk a ni a; inchûktir kawnga dâm, thiemnaw inchangtir kawnga dâm, kâwk kawnga dâm, felna inchûktir kawnga dâm a ṭhahnem bawk a nih;

1 PETER 2:4

Ama chu lung hring, mihriemhai dit naw ngei, Pathien ngaia ruok chun thlang le hlutak a nih,

1 PETER 2:8

“Tlûkna lung le dangna lungpui leh,” Thu chu an awi naw leiin an tlu si a, chuong anga um dinga ruot an ni hrim bawk a.

2 PETER 1:20

Pathien Lekha Thu hrillâwk hrim hrim hi mâniin hrilfie ding a ni nawh ti hre hmasa phawt unla.

2 PETER 3:16

A lekhathawn po poa chun chuong thu chu hrilin, chuong ang bawkin a ziek a nih; chuonga chun thu hriet intak takhai a um a, chuong chu mi var naw le mi det nawhaiin, Pathien Lekha Thu dang an ngai kawi angin an ngai kawi a, mâni le mâni an insukbohmang pha hlak a nih.