1 PETER 2:21 - Pathien Lekhabu Inthieng (BSI)

²¹ Krista khawm khan a tuorpêk cheu leiin hieng ang hi thaw dinga ko in nih in sawnnaw; a kehnunga in zuina dingin enkhi ding a mâksan pêk cheu kha.

1 PETER 2:21 ပူးပေါင်းရင်းမြစ်များ

INPÂKNA HLABU 85:13

Felna chun hma ṭhuoi a ta, A kehnunghai chu felna dinga lampuiah siem a tih.

MATTHAI 10:38

Tukhawm a kraws puta mi zui naw chu ka mi ni tlâk a ni nawh.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MATTHAI 16:24

Chun, Isûn a închûktirhai kuomah, “Tukhawmin mi zui a nuom chun, mâni inhnâwlin, a kraws putin, mi zui raw se.

LUKA 24:26

Kristain chuong thil chu tuorin a ropuinaah a lût ding a ni hrim naw am a nih?” a ta.

JOHAN 13:15

In chunga ka thaw ang hin nangni khawmin in thaw vena dingin ka sukhmu cheu a ni si a.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

THILTHAWHAI 17:3

Krista chu rinum tuor ding a ni hrimzie dâm, mithi laia inthawka thonâwk ding a ni hrimzie dâm a hrilfie a; a suklang hlak a, “Hi Isu a thu ka hril cheu hi, ama chu Krista a nih,” a ti bawk hlak a.

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

1 KORINTH 11:1

Keiin Krista ka entawn angtak hin, nangni khawmin mi entawn ve ro.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

PHILIPPI 2:5

Hi lungril, Krista Isu khawma um kha, nangniah um raw se.

1 THESSALONIKA 3:3

hieng rinum tuorna lei hin tûkhawm an inhnîng nawna dingin; hienghai hi tuor dinga ruot kan nih ti nangni ngeiin in hriet si a.

1 THESSALONIKA 4:2

Lalpa Isu zâra chun ieng thuhai am kan pêk cheu kha in hriet si a.

2 TIMOTHE 3:12

Anih, tûkhawm Krista Isua Pathien ngaisaka um tum taphawt chun suknawmnatnahai tuor bawk an tih.

HEBRAIHAI 2:10

A ta dinga iengkim uma, a zâra iengkim um bawk ta ding chun, nau tamtak ropuinaa a ṭhuoi lût chun, an sandamna siemtu kha tuornahai leiin sukfamkim chu a âwm hrim si a.

1 PETER 1:20

Ama chu leilung insieng hmain ruot lâwkin a um ngei el, nisienlakhawm, hun nuhnunga hin nangni leiin suklangin a um;

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

1 PETER 3:9

Suol suolin thung naw unla, halna halna vêkin thung naw ro; malsâwm hlau lem ro. Hi hi lei hin ko in ni si, malsâwmna chang dingin.

1 PETER 4:1

Chuongchun, Kristain taksaa a tuor leiin nangni khawm, chuong ang lungrilin inthuom ve ro; taksaa tuor ta chun suol a bânsan ta si a.

1 PETER 4:13

Krista tuornahaia tuorpuituhai in ni zie ang peiin lâwm lem ro; chuongchun, a ropuina a hung inlang pha chun nangni khawm hlimtakin lâwm thei in tih.

1 JOHAN 2:6

“Amaah ka um zing hlak,” titu chu, ama a um ang bawk khan a um ve ding a nih.

1 JOHAN 3:16

Hitaka hin hmangaina chu ieng am a ni ei hriet, ama chun ei ta dingin a hringna a pêk ta leiin, eini khawmin unauhai ta dingin ei hringna ei pêk ve ding a nih.

THUPUONGSUO 12:11

Berâmte thisen lei le an inhriettirna thu leiin, ama chu an hne a nih; thi ngam khawpin an hringna an ngainêp bawk a.