1 PETER 2:20 - Pathien Lekhabu Inthieng (BSI)

²⁰ In suol a, kutthlâk in tuorin, seltakin tuor unla khawm inpâk ieng am in hlaw leh? Nisienlakhawm, thil in thaw ṭhaa in tuorin, seltaka in tuor chun, chu chu Pathien lâwm zâwng a nih.

1 PETER 2:20 ပူးပေါင်းရင်းမြစ်များ

MATTHAI 26:67

Chun, a hmaiah chil an sâk a, kutin an hnek a; a ṭhenin an ben a,

MATTHAI 5:47

chun, in unauhai chau chibai in bûk hin a ieng am in thaw tam bik a? Jentailhai khawmin chuong angin an thaw ve a ni naw am a nih?

MARKA 14:65

Chuongchun, ṭhenkhat lem chun chil an sâk khum ṭan ta nghâl a, a hmai an tuom a, an vuok a, a kuomah,“Hril rawh!” an ti a. Chun, manmihai khawm chun chel pumin an ben sawk sawk a.

LUKA 6:32

“Chun, nangni hmangaituhai chau in hmangai hin, lâwm ieng am hlâwng in ta? Mi suolhai khawmin anni hmangaituhai chu an hmangai hlak annâwm.

1 KORINTH 4:11

Tu chen khawm hin, kan phîng a ṭâmin kan dang a châr a, silfên kan khawp naw a, mi kut inthak nûlna kan na, umna bulbâl kan nei naw a,

GALATI 4:18

Thu ṭha tienga ruok chu, ieng lai khawmin, ṭhahnemngaitaka zawnga um rawp hi a ṭha a nih, in kuoma ka um lai chau ni lovin.

EPHESI 5:10

Lalpa lâwmzâwng ieng am a na ti infie pei bawk unla.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

1 PETER 2:19

Mîn Pathien hrietna leiin tuor naw ding ding tuorin lungngaina a tuor hrâm hrâm chun, chu chu Pathien lâwm zâwng a ni si a.

1 PETER 3:14

Nisienlakhawm, felna leia lo tuor ta dâm in ni chun, hamṭhâng in tih. An ṭitumna chu ṭi naw unla, lunginzîng bawk naw ro.

1 PETER 3:17

Thil suol thaw leia tuor nêk chun, Pathien remti zâwng a ni chun thil ṭha thaw leia tuor hi a ṭha lem si a.