1 PETER 2:11 - Pathien Lekhabu Inthieng (BSI)

¹¹ Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

1 PETER 2:11 ပူးပေါင်းရင်းမြစ်များ

INṬANNA 21:34

Chuongchun, Abraham chu Philistin mihai rama chun sâwttak a um a.

INṬANNA 23:4

“Nangni lai mikhuol le inpêm el ka ni a; ka mithi ruong hi ka phûm hmang theina dingin nangni lai hin inphûmna hmun ding ram mi pe ro,” a ti a.

INṬANNA 47:9

Jakob chun Pharao kuomah, “Ka khuol inzin kum chen chu kum za le sâwmthum a ni a, ka dam sûng kumhai hi a tlâwmin a rimsikthlâk a nih, a mi thlatuhai an khuol inzin laia an dam sûng kum khawm a zât ve bawk nawh,” a ti a.

1 CHANCHIN SUINA 29:15

Kan thlatuhai po po ang bawk khan i hmaa hin pêm le mikhuol el kan ni si a; hi hnuoia hin kan nihai chu hlîm ang el a na; tukhawm um sawng hrim khawm an um nawh.

INPÂKNA HLABU 119:19

Hnuoia hin mikhuol ka na, I thupêkhai chu ka kuoma chun ip naw rawh.

INPÂKNA HLABU 119:54

Ka khuol inzinna ina hin, I thuruothai chu ka hla a ni hlak.

INPÂKNA HLABU 39:12

Aw Lalpa, ka ṭawngṭâina hi ngai la, ka konaa hin na sit la, Ka mitthli tla hi tosan naw rawh: I mikhuol ka na, A mi thlatuhai po po ang khan khuolchâm el ka ni si a.

LEVI DÂN 15:18

Chun, nuhmei a zâlpui a, chî ân suo chun, an pahni chun an insil ve ve ding a nih: zântieng chenin inthiengnaw nîng an tih.

LEVI DÂN 25:23

“Kumkhuoa dingin ram chu zawr sawng ding a ni nawh, ram chu ka ta a ni si a; ka kuoma khawsa mikhuol le khuolchâm el in ni si a.

LUKA 21:34

“Amiruokchu, fîmkhur ro, chuong naw chun, fâk khawp taluo leh, zu inrui leh, dam sûng khawsak ngaituo leh in lungril sip taluo hlau a ta, chu ni chun châng âwk angin kârlovin in chungah hung tlung phut a tih.

THILTHAWHAI 15:20

milim biekna thil inthiengnaw fâk dâm, indit dâm, sa râkhlum le thisen fâk dâm bân dingin an kuomah ziek lem inla ka ti tak a nih.

THILTHAWHAI 15:29

milim biekna sa fâk dâm, indit dâm ma unla kan tih. Hieng hi in ma chun in ta dingin ṭhâng a tih. Damtakin um ro,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:23

nisienlakhawm, ka taksa pênghaia hin dân danglam a um ti ka hriet, chu chun ka lungrila dân chu a do a, ka taksa pênghaia suolna dân umhai chun salah a mi ṭhuoi a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:13

Tisa dâna in um chun in thi ngei ding a nih; amiruokchu, tisa thilthawhai chu Thlaraua in sukhlum hlak chun hring in tih.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

2 KORINTH 6:1

Chun, Pathien lunginsietna chu ṭhathnempui lova in hmu nawna dingin, ama thawpuiin ka ngên cheu a nih.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.

EPHESI 2:19

Chuongchun, tuhin mikhuol le mi châm el in ni ta naw a, mi inthienghai le chun tuol khat le Pathien sûnghai in ni ta lem a nih.

EPHESI 4:1

Chuongchun, kei Lalpaa mi intâng hin ka ngên cheu, a kona cheu chu phua um dingin,

2 TIMOTHE 2:22

Nisienlakhawm, tleirâwl châknahai chu tlânsan la, lungril inthienga Lalpa lam taphawthai kuoma chun felna dâm, ringna dâm, hmangaina dâm, inremna dâm hnawt ve rawh.

HEBRAIHAI 11:13

Chuong po po chu ringna neiin an thi ta a, thiltiemhai chu chang lovin; nisienlakhawm, chuong chu hlataka inthawka hmuin chibai an lo bûk ta a, hnuoia hin mikhuol le khuolfe el an ni ti an inhriettir ta bawk a.

HEBRAIHAI 6:9

Nisienlakhawm, dittakhai, chuong ang chun hril inlang khawm, nangni chun, thil ṭha lem sandamnaa ṭhang thilhai chu in thaw kan ring tlat cheu a nih.

JAKOB 4:1

Nangni laia indona le insêlna hai hi khâwlaia inthawka hung suok am an na? In taksa pêngahai indona siem hlaktu, in nuom zâwnga inthawkhai chun hung suok an ni naw am a nih?

1 PETER 1:1

Peter, Isu Krista tirko chun: Ponto ram dâm, Galati ram dâm, Kappadokia ram dâm, Asia ram dâm, Bethunia ram dâma Indar umhai,

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

1 PETER 4:12

Dittakhai, nangni laia fiena nasatak hung um, nangni fiena dinga in chunga hung tlung hi, thil mak in chunga tlung angin makti naw ro.

1 PETER 4:2

Chuongchun, hi hnunga taksaa in la um sûng po chu mihriem châknahai tienga um ta lovin, Pathien dit zâwng tieng um tâng in tih.

2 PETER 3:1

Dittakhai, tuta in kuoma ka ziek hi ka lekhathawn pahnina a na, chuonga chun, inhrietthartir ding cheuin, in lungril inthieng ka chawkhar ve ve a,