1 PETER 1:20 - Pathien Lekhabu Inthieng (BSI)

²⁰ Ama chu leilung insieng hmain ruot lâwkin a um ngei el, nisienlakhawm, hun nuhnunga hin nangni leiin suklangin a um;

1 PETER 1:20 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

THUVARHAI 8:23

Atîra inthawk, chatuona indinin ka um a, Hnuoi hrim la um hmain.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemde a, in sukhlum ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:25

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain inhmaa suolnahai chu hriet naw tehlêm a thaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:29

A hrietlâwkhai chu ama Naupa ang taka um dingin a ruot lâwk si a, a Naupa chu unau tamtak laia nau lutîr a hung ni theina dingin.

GALATI 4:4

Nisienlakhawm, a hunbi a hung kim khan, Pathienin a Naupa, nuhmei inei, Dân hnuoia hung piengin, a tir suok ta a,

EPHESI 1:10

hunbi kim hunah: iengkim vâna thil umhai le hnuoia thil umhai khawm Kristaah, amaa ngei chun fâwkkhâwm dingin a nih.

EPHESI 1:4

Hmangainaa inthieng le, sawisêlboa ama hmaa ei um theina dingin leilung insieng hmain Kristaa chun a mi thlang a.

EPHESI 3:11

ei Lalpa Isua thaw a itum, a chatuon remruot ang pei chun.

EPHESI 3:9

thurûk chatuona inthawka Pathien iengkim siemtua inthupa um enkawlna chu ieng am a ni ti mi po po inhriettir dingin.

KOLOSSA 1:26

Chu Pathien thu chu chatuon le suon um chena inthawka thurûk inthup kha a nih; tu ruok hin chu a mi inthienghai kuoma inlangtirin a um tah.

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 1:2

hieng ni nuhnunghaia hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

HEBRAIHAI 2:14

Chuongchun, naupanghai hi tisa le thisen changtuhai an ni ni tâwl leiin, ama khawmin chuong ang bawk chun chuong thilhai chu a chang ve ta a; thînain thîna thuneitu (chu chu Diebol a nih), a sukbohmang theina ding le,

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

1 PETER 1:2

awi ding le Isu Krista thisen the dawng dinga Thlarau isuktum, Pa Pathien ihriet lâwk anga thlanghai kuoma chun: In chungah lunginsietna le inremna sukpungin um raw se.

1 JOHAN 1:2

(chu hringna chu a hung inlang ta a, kan lo hmu a, kan inhriettir bawk a, chu chatuon hringna, Pa kuoma um, kan kuoma hung inlang chu, kan hril cheu a ni hi);

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si naw a.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.