1 PETER 1:17 - Pathien Lekhabu Inthieng (BSI)

¹⁷ Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

1 PETER 1:17 ပူးပေါင်းရင်းမြစ်များ

INṬANNA 47:9

Jakob chun Pharao kuomah, “Ka khuol inzin kum chen chu kum za le sâwmthum a ni a, ka dam sûng kumhai hi a tlâwmin a rimsikthlâk a nih, a mi thlatuhai an khuol inzin laia an dam sûng kum khawm a zât ve bawk nawh,” a ti a.

1 CHANCHIN SUINA 29:15

Kan thlatuhai po po ang bawk khan i hmaa hin pêm le mikhuol el kan ni si a; hi hnuoia hin kan nihai chu hlîm ang el a na; tukhawm um sawng hrim khawm an um nawh.

2 CHANCHIN SUINA 19:7

Chuleiin, tuhin, Lalpa ṭina chu in chungah um sienla, chu chu pawisa hle unla, thaw khawm thaw bawk ro; ei Pathien Lalpaa chun khawhlona hrim a um naw a; mi inza bîkna khawm a um naw a, thamna lâkna khawm a um bawk nawh,” a ta.

JOB LEKHABU (THE BOOK OF JOB) 34:19

Lalnauhai khawm inza biklo, Hausahai khawm mi rimsi nêka ngaisâng chuong lotu chu? An rêngin a kutsuokhai an ni si a.

INPÂKNA HLABU 39:12

Aw Lalpa, ka ṭawngṭâina hi ngai la, ka konaa hin na sit la, Ka mitthli tla hi tosan naw rawh: I mikhuol ka na, A mi thlatuhai po po ang khan khuolchâm el ka ni si a.

INPÂKNA HLABU 89:26

Ama chun, ‘Nang chu ka pa, Ka Pathien, ka insandamna lungpui i nih,’ tiin mi ko a tih.

THUVARHAI 14:16

Mi var chun suol chu a ṭi a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 28:14

Lalpa ṭi zing zinga um hlak mi chu a lâwm a, A lungril sukngartu ruok chu lungngainaah tla lût a tih.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

ZEPHANIA 3:9

Chun, chutaka inthawk chun hmûr inthieng put chihai kuoma chun kîr nâwk ka ta, lungril hmunkhata a rawng bâwl dinga Lalpa hming chu an rênga an lam theina dingin.

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

MATTHAI 22:16

Chun, an inchûktirhai, Herod pâwla mihai leh an tir a; chuonghai chun, “Inchûktirtu, mi indiktak i na, titakzetin Pathien thu kawng în chûktir hlak a, pawisak bîk tukhawm i nei nawh ti kan hriet a; tukhawm thlierbîk i nei si naw a.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

2 KORINTH 1:2

Pathien ei Pa le Lalpa Isu Krista kuoma inthawka lunginsietna le inremna in kuomah um raw se.

2 KORINTH 5:6

Chuongchun, taksaa ei um sûngin, Lalpa kuomah ei um nawh ti hrein kumkhuoin muongtakin ei um hlak;

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

2 KORINTH 7:11

Chuongchun, hi thil hi inchik ro: Pathien dit zâwnga suklungngaina chun, thil lâk ursûnna dâm, pawi tâwk ve naw in nih ti inlangtir nuomna dâm, suol theidâna le suol ṭina dâm, chuong ang ngaituona hrât tak le ṭhahnemngaina tak dam, suol thawtu chu thunun dinga inpei zingna dâm, ân neitir cheu a ni hi. Iengkimah chuong thua chun in inthieng tah ti in suklang ta a.

GALATI 2:6

Chun, mi lien deua an iruothai lai chun, (ieng ang mi khawm ni sien la ka ta dingin a dang chuong nawh, Pathienin tûkhawm a thlier bîk naw a) mi lien deua an iruothai chun iengkhawm an mi belsa chuong si naw a;

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 3:14

Hi lei hin Pa hmaa chun ka dingṭhaṭhuon hlak:

EPHESI 6:9

Chun, nangni hotuhai, chuong ang bawkin, anni le nangni hotu chu vânah a um ti le, ama chun mi ditsak bîk a nei nawh ti hrein, vau lovin an chungah thaw ve ro.

DÂN PAHNINA 10:17

Lalpa in Pathien chu pathien-hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni si a.

PHILIPPI 2:12

Chuongchun, ka idittakhai, thu in zâwm rawp ang khan, ka um lai chau ni lovin, tûta ka um naw kâr hin nasa lem hmanin, ṭi le inthin pumin in sandamna thaw suok ro,

KOLOSSA 3:25

Thil indik naw thawtu chun a thil indik naw thaw man hmûng a tih, mi thlier bîkna hrim a um si naw a.

HEBRAIHAI 12:28

Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

HEBRAIHAI 4:1

Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

1 PETER 3:15

Amiruokchu, in lungrilah Krista chu Lalah ruot ro; nangnia um in beiseina san chu ân dawn taphawt cheu chu dawn dingin inzosa rawp ro.