1 PETER 1:10 - Pathien Lekhabu Inthieng (BSI)

¹⁰ Lunginsietna, nangni ta ding ngei lo hrillâwktu zâwlneihai chun, hi sandamna hi zawngin an lo sui ngun hlak a;

1 PETER 1:10 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

THUVARHAI 2:4

Tangka anga i zawng a, Ro phûm rûkhai anga i zawng suok chun;

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 9:3

Chun, vut laia saiip puon le inṭhunga bungheiin, hnina le ṭawngṭainaa zawng dingin Lalpa Pathien kuom tieng chu ka ngha ta a.

HAGGAI 2:7

hnam po pohai chu sukhnîng ka ta; hnam tin thil duthusâmhai chu hung tlung a ta, chun, hi in hi ropuinain suksip ka tih, sipaihai Lalpa chun a tih.

ZEKARIA 6:12

chun, a kuoma chun hril la, ‘Sipaihai Lalpa chun hieng ang hin a tih: Ngai ta, mi pakhat a hming chu Kau a nih; ama chu a hmuna inthawkin hung inṭhang a ta, Lalpa biekin chu hung bâwl a ta:

MATTHAI 13:17

Titakzetin ka hril cheu hi, zâwlnei tamtakhai le mi fel tamtakhai khawmin, in thil hmuhai hi hmu an inhâwk a, nisienlakhawm, an hmu si naw a; in thil hriethai khawm hi hriet an inhâwk a; nisienlakhawm, an hriet si naw a!

MATTHAI 26:24

Mihriem Naupa hi a chanchin an ziek angtak khan a fe ding a nih, nisienlakhawm, Mihriem Naupa inmantirtu ding mipa chung chu a rik! chu mihriem chu insieng naw sien la, a ta dingin ṭha lem a tih,” tiin a dawn a.

LUKA 10:24

Ka ti cheu hi, zâwlnei tamtak le, lal tamtakhai khawmin in thil hmuhai hi hmu an inhâwk hlak a; nisienlakhawm, an hmu si nawh; naa in hriethai khawm hi hriet an nuom hlak, nisienlakhawm, an hriet si naw a nih,” a ta.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

JOHAN 5:39

Pathien Lekha in tiem ngun hlak a, a sûnga chatuona hringna um dinga in ring leiin; chuong Lekha chu ka chanchin inhriettirna chu a ni si a.

JOHAN 7:52

Anni chun a kuomah, “Nang khawm chu Galili mi i ni ve am a nih? Zawng la, Galili rama chun zâwlnei tukhawm an suok ngai nawh ti hrieng i tih,” an ta, an dawn a.

THILTHAWHAI 10:43

“Tûkhawm ama ring taphawt chu a hming leiin suolhai ngaidamin um an tih ti hieng a chanchin hi zâwlneihai po poin an inhriettir hlak kha a nih,” a ta.

THILTHAWHAI 17:11

Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; tuhin nangni ama inmantirtu le sukhlumtuhai in hung ni tah.

HEBRAIHAI 11:13

Chuong po po chu ringna neiin an thi ta a, thiltiemhai chu chang lovin; nisienlakhawm, chuong chu hlataka inthawka hmuin chibai an lo bûk ta a, hnuoia hin mikhuol le khuolfe el an ni ti an inhriettir ta bawk a.

HEBRAIHAI 11:40

Eini ṭhang lova, anni chu sukfamkima an um nawna dingin Pathienin eini kawng thuah thil ieng amanih ṭha nâwkzuol a buotsai ta leiin.

1 PETER 1:11

Krista Thlarau annia um chun, Krista tuor dinghai le chu hnunga ropuina hung um ding ân hrietlâwktir lai khan, ieng hun âm, ieng ang takin am a hung tlung ding ti an lo sui ngun hlak a nih.

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;