1 LALHAI 9:8 - Pathien Lekhabu Inthieng (BSI)

⁸ chun, hi in hi insâng hle sienkhawm, a fe khêl taphawthai chun maktiin lân hui an ta, ‘Iengdinga Lalpain hi ram le hi in hi hieng ang lâwma a thaw am a na?’ la tîng an tih.

1 LALHAI 9:8 ပူးပေါင်းရင်းမြစ်များ

2 LALHAI 22:17

an mi mâksan a, pathien danghai kuomah riminhnik an raw a, an kutsuoka an mi suklungsen leiin hi hmuna hin ka lunginsenna chu a chawk nasa ding a na, rêm el naw nih.

2 LALHAI 25:9

Lalpa in le lal in chu a raw a; Jerusalem in po po, in ropui taktakhai chu a raw a.

2 CHANCHIN SUINA 29:8

Chuleiin, Lalpa lunginsenna chu Jerusalem le Judahai chunga chun a um a, in mita in hmu ang hin, inhîpna ding le, makti ding le, inzak dingin a siem ta a.

2 CHANCHIN SUINA 36:19

Chun, Pathien in chu an raw a, Jerusalem kul chu an vuokchim a, chutaka a lal inhai po po chu meiin an raw a, chutaka bûr le bêl ṭhahai po po chu an suksiet bawk a.

2 CHANCHIN SUINA 7:21

Chun, hi in hieng ang lâwma insâng hi, a fekhêltuhai taphawt chun mak la tîng an ta, ‘Hi in le hi ram hi Lalpa chun ieng am a law a ni ta le?’ tiin.

ISAI 64:11

Kan in inthieng le kan in mawitak, kan puhaiin an lo inpâkna hlak che chu, meia raw a na; kan thil ditumhai po po hlak chu suksietin a um ta vawng si a.

JEREMIA 16:10

“Chun, hieng thuhai po po hi hieng mihai kuoma hin în entir pha chun i kuoma chun ‘Iengleiin am hieng thil ṭha naw nasatakhai hi kan chungah Lalpa chun a hung sâksuok am a na? Annawleh, ieng am a na kan khawhlona chu? Lalpa kan Pathien chunga kan lo thaw tah, kan suolna chu ieng am a na?’ tîng an ta;

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 19:8

Hi khawpui hi maktia le thuokdawngumah siem ka ta; mi tin a fe khêltuhai taphawt chun mak tîng an ta, an thuok dawng a tih, chu chu hmun po po a se ta lei chun.

JEREMIA 22:28

Hi Konia hi bêl kawidar, hmusitum am a ni naw am ni? Ama hi bêl a sûnga duzâwng um nawna chu a ni naw am a ni? Iengdinga pei suoka, ama le a chihai, an ihriet naw rama chu pei suoka um am an na?

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 44:8

chuongahai chun in kut sinthawhai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in raw a; chuong chu hi hnuoia hnam po pohai laia thusekawk le, ṭawngsephur le, sâtthlâk in ni theina ding chau a ni naw am a nih?

JEREMIA 49:17

“Chun, Edom khawm chu maktia um ding el ni bawk a ta, mi a fe khêltu tinhai chun mak tîng an ta; a sietna po poa chun inchek an tih.

JEREMIA 5:19

Chun, i mihaiin, “Iengdinga Lalpa ei Pathien chun ei chungah hienghai hi a thaw am a na?” an ti pha chun, hieng ang hin anni chu dawn i tih, “Kei in mi lo nghatsan a, in rama chun pathien danglamhai rawng chu in lo bâwl ta ang khan, ram in ta ni ngai lova chun mi hmêlmakhai rawng chu in bâwl ding a nih,” tiin.

JEREMIA 50:13

Lalpa lunginsenna lei chun hluoin um naw ni a, a pumpuia râusan nîng a ta, mi tin Babulon fekhêltuhai phawt chun mak tîng an ta, a sietna po poa chun inchek an tih.

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

ṬAP HLA 2:15

Mi fe inlawnhai po po chun an kuthai an ben khum che a, Jerusalem naunu chunga hin an sisi a, an luhai an thin a, “Hi hi a ni maw mihaiin, Mawina famkimna, Leihnuoi po poa khawpui an ti chu?,” tiin.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet ta a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si naw a.

DÂN PAHNINA 28:37

Chuongchun, Lalpain a la ṭhuoi hmangna ding cheu hnam po po lai chun makti le sehnâwkna le a se tieng hrilhmêna nîng in tih.

DÂN PAHNINA 29:23

a ram pumpui chu kât le chia kângzêu, iengkhawm chîng nawna, iengkhawm inder nawna, hlobet takngiel khawm inder nawna ramah inchang a tih. Sodom le Gomorra, Adma le Zeboiim hai Lalpain a lunginsenna ṭiumtaka a suksiet ang hung nîng a tih.