1 LALHAI 9:3 - Pathien Lekhabu Inthieng (BSI)

³ Chun, Lalpa chun a kuomah, “I ṭawngṭaina le i hnina ka hmaa i hung intlunhai kha ka lo ngai a, hi in i bâwl hi kumkhuoa ka hming inumtirna dingin ka sukthieng tah; ka mit le ka lungril chu chutaka chun kumkhuoin um tâng a tih.

1 LALHAI 9:3 ပူးပေါင်းရင်းမြစ်များ

1 LALHAI 8:29

hi hmun tieng nghaa i siehlaw hin ṭawngṭaina ân sam ding chu ngaia nangin, ‘Chutaka chun ka hming chu um a tih,’ i tina hmun ngei in tieng hin a sûn a zânin i mit în lên zing theina dingin.

2 LALHAI 20:5

“Kîr nâwk la, ka mihai hotu Hezekia kuomah hril rawh, ‘Lalpa, i pu David Pathien chun hieng ang hin a tih: I ṭawngṭaina kha ka hriet a, i mitthli tla khawm ka hmu a, ngai ta, sukdam ka ti che a, ni thum nia chun Lalpa inah hang fêng i tih.

2 LALHAI 21:7

Chun, Lalpain David le a naupa Solomon kuoma, “Hi in le Jerusalem khuo, Israel chihai po po laia ka ithlanga hin, ka hming chu kumkhuoin inumtir ka ta;

2 CHANCHIN SUINA 33:7

Chun, milim kerṭielhai, ama siem chu Lalpa ina chun a sie a; chu chungthua chun Pathien chun David le a naupa Solomon kuoma chun, “Hi ina le Jerusalema khawm, Israel hnam po po laia inthawka ka thlang suoka hin, kumkhuoa dingin ka hming chu sieng ka ta,

2 CHANCHIN SUINA 6:40

Tuhin, aw ka Pathien, ka ngên che, hi hmuna ṭawngṭaina hi, i mitin hmu sienla, i na chun lo ngai raw se.

EZRA 6:12

chutaka ama hming um dinga siemtu Pathien chun lalhai le hnam po po, hi hi sukdanglam dinga an kut phara, Jerusalema Pathien in um hi sukse tumtuhai chu pei thla raw se. Keima Daria ngeiin thupêk ka siem a, ngaitha lova thaw ni raw se,” tiin.

INPÂKNA HLABU 10:17

Lalpa, zainêmhai dit zâwng chu ngaipêk i ta; An lungril chu buotsai i ta, i na chu inngaitir bawk i tih:

INPÂKNA HLABU 116:1

Lalpa chu ka hmangai a nih, ka râwl le Lunginsiet ka hninahai chu a ngai leiin.

INPÂKNA HLABU 34:17

Mi felhai chu an khêk a; Lalpa chun a lo hriet a, An lunginzîngna po poa chun a sansuok ta a.

INPÂKNA HLABU 65:3

Rîtlonahai chun a mi hne hlak dea chu, Kan bawsietnahai po chu nangin sâwpfai i tih.

INPÂKNA HLABU 66:19

Nisienlakhawm, Pathien chun a mi lo ngai a, Ka ṭawngṭâina ri chu a lo bengkhawn a nih.

FESUOKNA 20:11

ni ruk sûngin Lalpa chun vân le hnuoi, tuipui le an sûnga um po po le chun a siem zo vawng a, a ni sari ni chun a châwl si a; chuongchun, Lalpain châwlni chu mal a sâwm a, ân ser ta a.

FESUOKNA 29:44

Intuokna puon in le maichâm chu sukthieng ka ta, Aron le a naupasalhai khawm chu thiempu sina ka rawng bâwl dingin sukthieng ka tih.

JEREMIA 15:1

Chun, Lalpa chun ka kuomah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua inthawkin hnawt suok la, anni chu infe suoktir rawh.

JEREMIA 7:10

‘Sansuokin ei um tah’ tiin, hieng thil pawrchehai po po hi thaw dingin hi in ka hming chawisana hin hungin ka hmaa chun in hung ngîr ding am a nih?

DANIEL 9:23

I hninahai în tlun tîra inthawk khan thu chu a hung suok a, chun, hril ding chein ka hung ta a; nasataka ditsak i ni si a; chuleiin, thil chu ngaituo la, thilhmulâwk thu chu a ngaina lo hre rawh.

NAMBAR 16:38

mei lâknahai chu hieng thilsuol thawtuhaiin thi pha hiela an inhlân a ni si a. Chuleiin, maichâm inkhumna phêk dinga sut ni raw se. Lalpa hmaa inhlân an na, chuleiin, an inthieng a nih; chu chu Israel mihai ta dinga inchikna nîng a tih,” tiin.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

JOHAN 11:42

Kumkhuoin ka thu i ngai hlak ti ka hriet zing a nih; nisienlakhawm, mipui ngîr khup lei hin chu chu ka ti a nih, nangin i mi tir ti an ring theina dingin,” a ta.

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

DÂN PAHNINA 11:12

Lalpa in Pathienin a lungkham ram a nih; Lalpa in Pathien mit chu kum thara inthawka a tâwp chenin a fu hlak.

DÂN PAHNINA 12:11

Lalpa in Pathienin a hming inumtirna ding a ruot ding hmuna hung lâk dinga ka ti po po chutaka chun in hung lâk ding a nih, in pumrawhmang thilinhlânhai, in sâwmapakhat dâm, in thên thilinhlânhai, Lalpa kuoma thutiema in tiem ṭha ṭhahai le chun.

DÂN PAHNINA 12:21

Lalpa in Pathienin a hming umna ding a la ruot ding chu in hlat taluo chun thu ka pêk cheu ang khan Lalpain a pêk cheu in ran ruol le in berâm ruol laia mi that in ta, in hringnain a châk ang zâwng chu in khaw sûngah in fâk ding a nih.

DÂN PAHNINA 12:5

Lalpa in Pathienin in hnam po po laia a hming umna ding hmun a la ruot ding chu zawng lem in ta, chutaka chun in fe ding a nih.

DÂN PAHNINA 16:11

Lalpa in Pathienin a hming umna dinga a la ruot dinga chun nangni leh in naupasalhai leh, in naunuhmeihai leh, in suokpahai, in suoknuhai leh in umnaa um Levi mihai, nangni laia um ram dang mihai, pa nei lo hai dâm, hmeithaihai dâm leh Lalpa in Pathien hmaah hlimtakin in um ding a nih.

1 JOHAN 5:14

Hi hi ama chunga ei huoina chu a nih, iengkhawm a ditzâwng anga ei hni chun amain a mi ngai pêk hlak hi.