1 LALHAI 8:9 - Pathien Lekhabu Inthieng (BSI)

⁹ Aigupta rama inthawka an suok a, Lalpain Israel mihai kuoma thu a thlung laia Mosiein Horeb tlânga lungphêk pahni a siehai chau naw kha chu, chu bâwm sûnga chun iengkhawm a um nawh.

1 LALHAI 8:9 ပူးပေါင်းရင်းမြစ်များ

1 LALHAI 8:21

Chutaka chun bâwm umna ding hmun chu ka lo ruot ta a, chutaka chun Aigupta rama inthawka a ṭhuoi suok laia ei puhai kuoma a lo thlung, Lalpa thuthlung chu a um a,” a ta.

2 CHANCHIN SUINA 5:10

Chu bâwm sûnga chun, Aigupta rama inthawka an hung suok laia Israel thlahai kuoma Lalpain thuthlung a siem laia Mosiein Horeba lungphêk pahni a sie lût chau naw kha chu ieng dang khawm a um naw a.

2 CHANCHIN SUINA 5:9

Chun, a zâwnfunghai chu an sei êm a, zâwnfung hmawrhai chu hmun inthieng hmaa inthawkin ân hmu thei a; amiruokchu, puotienga inthawk chun ân hmu thei naw a; chutaka chun tu chen hin a um ta a.

FESUOKNA 13:21

Zâna le sûna khawm an fe theina dingin, Lalpa chu sûnah sûm ngîrin an hma ṭhuoi dingin le zânah mei ngîrin anni var pe dingin, an hmaah a fe pei a;

FESUOKNA 14:24

Zîngtieng vêng hunah Lalpa chun Aigupta sipai ruol chu mei ngîr le sûma chun a zuk en a, Aigupta sipai ruol chu a sukbuoi ta a.

FESUOKNA 16:10

Chun, Israel mipui pungkhâwm po po kuoma Aronin a hril phingleh, thlalêr tieng chu an en a, sûm laia Pathien ropuina hung inlang chu an hmu a.

FESUOKNA 16:33

Mosie chun Aron kuomah, “Bêl la la, omer sip khat manna chutaka chun sie rawh, chun, i thlahai ta dinga kawl dingin Lalpa hmaa chun sie ṭha rawh,” a ti a.

FESUOKNA 25:16

Thuthlung bâwm sûnga chun thuthlung ka pêk ding che chu sieng i tih.

FESUOKNA 25:21

Chun, Thuthlung bâwm chunga chun zângaina ṭhungpha chu sieng i ta; chun, Thuthlung bâwm sûnga chun thuthlung ka pêk ding che chu sieng i tih.

FESUOKNA 40:20

Chun, thuthlung chu a lâk a, Thuthlung bâwm sûnga chun a sie ta a; Thuthlung bâwma chun a zâwnfunghai a rawl a; Thuthlung bâwm chunga chun zângaina ṭhungpha chu a sie a;

EZEKIEL 10:4

Chun, cheruba inthawk chun Lalpa ropuina chu a tungin a kai a; in kawtkhâr bula chun a ngîr ta a; chun, in chu sûmin a hung sip a, tuollai chu Lalpa ropuina var chun a hung sip ta a.

LEVI DÂN 16:2

Lalpa chun Mosie kuomah, “I unaupa Aron hril la, puonzâr sûng hmun inthiengah, bâwm chunga zângaina ṭhungpha hmaa chun a hung zing zing ding a ni nawh, thi rawi a tih; zângaina ṭhungpha chungah sûm lai ka hung inlâr ding a ni si a.

NAMBAR 17:10

Chun, Lalpain Mosie kuomah, “Helhmang nauhai an nih ti inhriettirna dingin Aron hmawl chu thu inhriettirna bula chun sie nâwk rawh; chuongchun, ka chunga an helna hi sukrepêk thei i tih, an thi nawna dingin,” a ta.

NAMBAR 9:15

Chuongchun, biekbûk indin ni chun biekbûk, inhriettirna puon in chu sûmin a tuom mup a, chun, zântieng chun biekbûk chunga chun meichawk ang el hi a zîng zîngkâr chenin a um a.

DÂN PAHNINA 31:26

“Hi dân bu hi la unla, in chungchâng thua hretu dingin Lalpa in Pathien thuthlung bâwm sîrah sie ro.

DÂN PAHNINA 4:13

A thuthlung zâwm dinga thu a pêk cheu, thupêk sâwm chu in kuomah a puong a, lungphêk pahniah a ziek a.

HEBRAIHAI 9:4

chutaka chun riminhnik râwna rângkachak bâwm le, thuthlungna bâwm rângkachak tuia inluon chu a um a; chu thuthlungna bâwm sûnga chun, manna umna rângkachak bêl dâm, Aron hmawl hung inder dâm, thuthlungna lungphêk dâm a um a;

THUPUONGSUO 15:8

Chun, pindan sûngril chu Pathien ropuina le a thilthawtheina khuin a sip ta a; vântirko pasarihai hremna pasari chu a bo hmakhat pindan sûngrila chun tûkhawm an lût thei nawh.