1 LALHAI 8:7 - Pathien Lekhabu Inthieng (BSI)

⁷ Cherubhai chun bâwm umna chung zâwna chun an thlahai an zâr zing si a; cherubhai chun bâwm le a zâwnfunghai chu an huop vawng a.

1 LALHAI 8:7 ပူးပေါင်းရင်းမြစ်များ

1 LALHAI 6:27

Chun, cherubhai chu insûng ril lema chun a sie a; chun, cherubhai thla chu ân zar a, pakhat thla chun bang khingtieng a va tâwk a, cherub pakhat thla khawm chun bang khingtieng chu a tâwk bawk a; chu in lailungtaka chun an thla le an thla chu ân tâwk a.

1 LALHAI 8:6

Chuongchun, thiempuhai chun Lalpa thuthlung bâwm chu a umna dinga chun an lâklût a, in sûnga biekna hmun, hmun inthiengtakah, cherubhai thla hnuoia chun.

1 LALHAI 8:8

Chun, a zâwnfunghai chu a sei khawp a, a zâwnfung hmawrhai chu biekna hmun hma, hmun inthienga inthawk chun ân hmu thei a: tuola inthawk ruok chun ân lang nawh; tu chen hin chutaka chun a la um zing a nih.

FESUOKNA 25:20

Cherubhai chun chungtieng an thla zar an ta, an thlahai chun zângaina ṭhungpha chu zar hlieng an ta, an hmaihai chu innghattuok ve vein, cherubhai chun zângaina ṭhungpha tieng chu nghâng an tih.

ISAI 6:2

A kâwla chun serafîmhai an ngîr a, thla paruk an nei seng a, an thla pahni chun an hmai an inkhum a, pahni chun an kephahai an inkhum a, pahni chun an vuong a.

NAMBAR 4:6

seal vunin inkhum an ta, chu chunga chun puon dumpâwlin inkhum an ta, a zâwnna hmawl chu inbûk an tih.

HEBRAIHAI 9:5

a chungtiengah zângaina ṭhungpha hliein, ropuina Cherubhai an um bawk a; chuong thuhai chu tuhin chu a kip a kawiin hril thei nâwm ei nih.