1 LALHAI 8:6 - Pathien Lekhabu Inthieng (BSI)

⁶ Chuongchun, thiempuhai chun Lalpa thuthlung bâwm chu a umna dinga chun an lâklût a, in sûnga biekna hmun, hmun inthiengtakah, cherubhai thla hnuoia chun.

1 LALHAI 8:6 ပူးပေါင်းရင်းမြစ်များ

2 SAMUEL 6:17

Chuongchun, Lalpa bâwm chu an lâk lût a, a siena dinga Davidin a zar, puon in sûnga a hmun dinga chun an sie ta a; chun, David chun pumrawhmang thilinhlân le inremna thilinhlân chu Lalpa hmaa chun ân hlân a.

2 SAMUEL 6:2

Chun, David chu a tho a, Juda rama Baala khuoa inthawkin cherubhai chunga chuong sipaihai Lalpa hming an inputtir Pathien bâwm chu zu la dingin a kuoma mi um po pohai le chun an inthawk ta a.

1 LALHAI 6:16

Chun, in chawrtieng pang tawng sâwmhni chu a ṭuonga inthawka a bang chenin sidar thingphêkhaiin a siem vawng a, a biekna hmun, Hmun Inthieng tak ta ding khawm chun a sûngtienga chun a hmang a.

1 LALHAI 6:19

Chun, Lalpa thuthlung bâwm siena dingin a sûngah hmun inthiengtak a buotsai a.

1 LALHAI 6:27

Chun, cherubhai chu insûng ril lema chun a sie a; chun, cherubhai thla chu ân zar a, pakhat thla chun bang khingtieng a va tâwk a, cherub pakhat thla khawm chun bang khingtieng chu a tâwk bawk a; chu in lailungtaka chun an thla le an thla chu ân tâwk a.

1 LALHAI 8:3

Chun, Israel upahai po po chu an hung a, thiempuhai chun bâwm chu an zâwn a.

1 LALHAI 8:4

Lalpa bâwm le inbiekna puon in le, puon ina bûr le bêl inthienghai po po chu an zâwn a; chuonghai chu thiempuhai le Levi chihai chun an zâwn a.

1 LALHAI 8:7

Cherubhai chun bâwm umna chung zâwna chun an thlahai an zâr zing si a; cherubhai chun bâwm le a zâwnfunghai chu an huop vawng a.

1 CHANCHIN SUINA 22:19

Tuhin, Lalpa in Pathien chu zawng dingin in lungril le in lungvar chu ama tieng ngha unla, tho unla, chuongchun, Lalpa Pathien hmun inthieng; Lalpa thuthlungna bâwm le, Pathien bûr le bêl inthienghai chu hung lâkna dingin, Lalpa hmingin in bâwl ro,” tiin.

2 CHANCHIN SUINA 5:7

Chun, thiempuhai chun Lalpa thuthlungna bâwm chu, chu in hmun inthieng, hmun inthiengtaka cherubhai thla zar hnuoia a hmun dinga chun an hung lâklût ta a.

INPÂKNA HLABU 80:1

Aw Israelhai vêngtu, Berâm pâwl anga Josefhai ṭhuoitu, na lo sit raw aw; Nang cherubhai chunga ṭhung chu, hung var suok rawh.

INPÂKNA HLABU 80:2

Ephraimhai le, Benjaminhai le, Manassehai mithmua chun i hrâtna kha chawktho la, Keini mi sandam dingin hung rawh.

INPÂKNA HLABU 99:1

Lalpa chu lalah a ṭhung a, mi tin chu inthin raw se, Ama chu cherubhai chungah a ṭhung a, hnuoi hi inhnîng raw se.

FESUOKNA 37:9

Cherubhai chun an thlahai chu chungtieng an zâr a, an thlahai chun zângaina ṭhungpha chu a zâr hlie a, an hmai le an hmai chu innghattuokin, zângaina ṭhungpha tieng chun cherubhai hmai chu a ngha a.

ISAI 37:16

“Aw sipaihai Lalpa, Israel Pathien, cherubhai chunga ṭhung, nang hi, nang chau hi, hnuoi chunga um po pohai Pathien chu i nih, nang chun hnuoi le vân hi i siem a nih.

EZEKIEL 10:5

Chun, cherubhai thla ri chu Pathien Iengkimthawtheiin thu a hril laia a râwl angin, tuollai puo lema inthawk khawm chun ân hriet a.

EZEKIEL 41:4

Chun, pindan chu ân khi a, a dung tieng chu tawng sâwmhniin ân khi a, a khang tieng khawm tawng sâwmhni bawkin; chun, ka kuoma chun, “Hi hi hmun inthiengtak chu a nih,” a ta.

1 SAMUEL 4:4

Chuongchun, mipuihai chun Siloa chun mi an tir a, chutaka inthawk chun cherubim chunga ṭhung, sipaihai Lalpa thuthlung bâwm chu an va lâk ta a; Pathien thuthlung bâwm an lâknaa chun Eli naupasalhai pahni Hophni le Phinehas an ṭhang ve a.