1 LALHAI 8:53 - Pathien Lekhabu Inthieng (BSI)

⁵³ Aw Lalpa Pathien, kan puhai Aigupta rama inthawka i ṭhuoisuok laia i siehlaw Mosie hmanga i hril angin i rochan dingin khawvêl hnam tin laia inthawkin i suktum a ni si a,” a ta.

1 LALHAI 8:53 ပူးပေါင်းရင်းမြစ်များ

2 SAMUEL 20:19

Kei hi Israelhai laia inrem nuom le ringum pâwl ka na, nang chun Israel khuo, a khaw bulpui hi suksiet i tum a ni hi, Lalpa ro chu iengdinga sukhmang i tum am a na?” tiin a hril a.

FESUOKNA 33:16

Kei le i mihai hin i lunginsietna kan hmu tah ti iengtin am inhriet a ta? Hnuoi chunga um mi dang po poa inthawk kei le i mihai ṭhea kan umna chu keini le i fe ve zingnaa chun a ni naw ding am a nih?” a ti a.

JEREMIA 10:16

Jakob chanvo chu hieng ang hi a ni ve naw a; thil po pohai siemtu chu a na; Israel chu a rochan hnam a na; sipaihai Lalpa chu a hming a nih.

NAMBAR 23:9

Iengtin am Pathien vaukhâwng lo chu vaukhâwng ka ta? Lungpui chunga inthawk dâmin anni chu ka hmu si a, Tlânga inthawk dâmin anni chu ka hmu a; Ngai ta, hnam a tuma um det sa a nih, Hnam danghai le angkhata inngai ngai lo.

EPHESI 1:18

Chuongchun, in lungril mithai sukvara umin hieng hi hung hre thei in tih:

DÂN PAHNINA 14:2

Lalpa in Pathien ta dingin hnam inthieng in ni si a, hnuoi chunga hnam po poa ama puol bik ni ding cheuin Lalpain a thlang cheu in nih.

DÂN PAHNINA 32:9

Lalpa chanvo chu a mihai an na, Jakob rawi chu a rochan an nih.

DÂN PAHNINA 4:34

Hnam dang laia inthawka fiena dâm, inchikna dâm, thilmak dâm, indona dâm, kut hrâttak dâm, bân phar dâm, thil râpthlâkhaia Lalpa in Pathienin in mithmua Aigupta rama a thaw hlak ang po poa hnam ṭhuoi suok ngam pathien an um hlak am chu?

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.