1 LALHAI 8:5 - Pathien Lekhabu Inthieng (BSI)

⁵ Chun, lal Solomon le Israel mi pungkhâwm po po, a kuoma hung inkhâwmhai chu bâwm hmaa chun an um tâwl a; berâm le bâwngchal a tam leia tiem sêng ruol lo le a zât hriet sêng ruol lo chun an inthâwi a.

1 LALHAI 8:5 ပူးပေါင်းရင်းမြစ်များ

2 SAMUEL 6:13

Chun, Lalpa bâwm zâwntuhai chu pên ruk an fe phingleh sebâwngchal le ran châwm thâuin an inthâwi a.

1 LALHAI 12:32

Chun, Jeroboam chun Juda rama ruoiṭhe an nei hlak ang bawkin thla rietna, chu thla ni sâwm le ni nga ni chu ruoiṭhe niah a ruot ve a, maichâma chun an hang fe a, Bethela chun a bâwngte lim siem kâwla inthâwiin chuong ang chun an thaw a nih; chun, a siem bâwlhmun thiempuhai chu Bethela chun a sie a.

1 CHANCHIN SUINA 16:1

Chun, Pathien bâwm chu an hung lâk lût a, Davidin a lo siem puon in lailung laitaka chun an inṭhut ta a; chun, Pathien hmaah pumrawhmang thilinhlânhai le inremna thilinhlânhai an inhlân ta a.

2 CHANCHIN SUINA 1:6

Chun, Solomon chu Lalpa hmaa dârsen maichâm intuokna ina uma chun a hang fe a, a chunga chun pumrawhmang thilinhlân sâng khat lai ân hlân a.

JOEL 1:18

Ranhai chu an inrûm nasa de! Bâwng ruolhai chu an lunginzîng a, hlohna hring hmun an nei naw leiin; anih, berâm ruolhai chu an rêm zo ta a.