1 LALHAI 8:34 - Pathien Lekhabu Inthieng (BSI)

³⁴ nangin vâna inthawkin lo ngaipêk la, i mi Israelhai suolna chu ngaidam la, an puhai ram i pêka chun ṭhuoi nâwk rawh.

1 LALHAI 8:34 ပူးပေါင်းရင်းမြစ်များ

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

1 LALHAI 8:30

Chun, i siehlaw le i mi Israelhai hin hi hmun tieng nghaa an ṭawngṭai pha chun an hninahai chu lo ngaipêk hlak la, anih, i chêngna hmun vâna inthawk chun lo ngai la; chun, lo ngaiin ngaidam la.

1 LALHAI 8:33

“I mi Israelhai hin i chunga thil an suksuol leia hmêlmahai hmaa an lo tlâwm a, nanga tieng an hung ngha nâwk a, i hming an inpâk a, hi ina ṭawngṭaia thil an hung hni chun,

1 LALHAI 8:35

I chunga thil an suksuol leia, vân a ping a, ruo dâm a hung sûr naw pha chun hi hmun tieng hi nghaa an ṭawngṭai a, i hming an inpâk a, anni i sukrimsi leia an suolhai an sim chun;

INPÂKNA HLABU 106:46

Sala ṭhuoituhai po po chu, Anni a lunginsiettir a.

INPÂKNA HLABU 106:47

Aw Lalpa, kan Pathien, mi sandam la, Hnam tin laia inthawk hi mi ṭhuoi khawm rawh: I hming inthieng kuoma lâwmthu hril ding le, Nangma inpâkna chawimawi dingin.

INPÂKNA HLABU 85:2

I mihai rîtlona i ngaidam a, An suolna po po chu în khum zo tah.

FESUOKNA 6:8

Abraham, Isak le Jakob kuoma pe dinga ka bân ka pharna hlak rama chun ṭhuoi lût ka ti cheu a; chu ram chu ro dingin pêng ka ti cheu: Lalpa ka ni hi,’ ” tiin.

JEREMIA 31:27

Ngai ta u, nihai chu a hung tlung, Lalpa chun a tih: Juda sûngkuo le Israel sûngkuo chu ramsa chi le mihriem chiin tûng ka ta.

JEREMIA 32:37

Ngai ta u, ka lunginsenna le ka ṭiumna le, ka lunginthaka anni ka hnawt hmangna ram po poa inthawk chun anni chu kei khâwm ka ta; hi hmuna hin hung ṭhuoi nâwk ka ta, himtakin inchêngtir ka tih;

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet ta a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si naw a.

DANIEL 9:19

Aw Lalpa, lo hre ta, aw Lalpa, ngaidam rawh, aw Lalpa, lo hre la,hung thaw ta, muong naw la; nangma zâra ngei chun, aw ka Pathien, i khawpui le i mihai chu nangma hming chawia hming sak an ni leiin,” tiin.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâktaka khawm chun.

AMOS 7:2

Chun, chu rama hlohna chu an fâk zo hnungin, “Aw Lalpa PATHIEN, ngaidam rawh, ka ngên che hi; Jakob chu iengtin am ngîr thei a ta, ama a chîn si a?” ka ti a.

DÂN PAHNINA 30:1

“Chun, hieng thil po po in hmaa kân umtir, malsâwmna le ṭawngsie hi in chungah a hung tlung a, Lalpain a hnawtdarna cheu hnam po pohai laia in hriet suok nâwk a,

DÂN PAHNINA 30:4

Nangni laia mi kâwlkawdawng chena hnawtdawk an um chun, Lalpa in Pathien chun chutaka inthawk chun ṭhuoi khâwm a ti cheu a, chutaka inthawk chun ṭhuoikîr nâwk a ti cheu.

JOSUA 21:43

Chuongchun, Lalpain an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluo a, a sûngah an chêng ta a.