1 LALHAI 8:3 - Pathien Lekhabu Inthieng (BSI)

³ Chun, Israel upahai po po chu an hung a, thiempuhai chun bâwm chu an zâwn a.

1 LALHAI 8:3 ပူးပေါင်းရင်းမြစ်များ

2 SAMUEL 6:12

Chun, lal David chu, “Pathien bâwm leiin Obed-edom sûngkuo le a in le lo po po Lalpain mal a sâwm a nih,” ti an hril a. Chuongchun, David chun Pathien bâwm chu Obed-edom ina inthawk chun David khuoa chun lâwmtakin a zu lâk ta a.

1 LALHAI 8:6

Chuongchun, thiempuhai chun Lalpa thuthlung bâwm chu a umna dinga chun an lâklût a, in sûnga biekna hmun, hmun inthiengtakah, cherubhai thla hnuoia chun.

1 CHANCHIN SUINA 15:2

Chun, David chun, “Tu dang khawm ni lovin, Levi mihai chauin Pathien bâwm chu hang la raw hai se; Lalpa chun anni chu Pathien bâwm phur dinga a ruot le ama ta dinga rawngbâwl zing zing dinga a ruot an ni si a,” a ta.

NAMBAR 4:15

Aron le a naupasalhai chun hmun inthieng le hmun inthieng bûrlebêlhai po po an inkhum zo a, umhmun sawn ding hun taphawta chun Kohath naupasalhai chu a zâwn dingin hung inthawk hlak an ta, nisienlakhawm, thil inthienghai chu an them ding a ni nawh, an them chun chu thîng an tih. Hieng hi intuokna puon ina Kohath naupasalhai chanpuol ding a nih.

NAMBAR 7:9

Kohath naupasalhai ruok chu a pêk ve nawh; hmun inthieng sin chu an chanpuol a na, a zâwna zâwn ding a ni leiin.

DÂN PAHNINA 31:9

Chun, Mosie chun chu dân chu a ziek a, Lalpa thuthlung bâwm zâwntu Levi naupa, thiempuhai le Israel upahai po po chu a pêk a.

JOSUA 3:3

“Lalpa in Pathien Thuthlung bâwm le thiempu Levi mihaiin an zâwn lai in hmu pha chun in umna hmuna inthawk hin insawn unla, zui el ro.

JOSUA 3:6

Chun, Josua chun thiempuhai kuoma chun, “Thuthlung bâwm hi zâwn unla, mipuihai hmaah fe ro,” a ta, a hril a. Chuongchun, thuthlung bâwm chu an zâwn a, mipui hma chu an ṭhuoi ta a.

JOSUA 4:9

Chun, thuthlungna bâwm zâwntu thiempuhai ngîrna lai tak, Jordan vadung lailunga chun Josua chun lung sâwmpahni a phun a, chuong chu tu chen hin a la um zing a nih.

JOSUA 6:6

Chun, Nun naupa Josua chun thiempuhai chu a ko a, an kuomah, “Thuthlung bâwm hi zâwn unla, thiempu pasariin Lalpa bâwm hmatienga chun berâmchal ki tawtawrâwt pasari chawi raw se,” a ta.