1 LALHAI 8:16 - Pathien Lekhabu Inthieng (BSI)

¹⁶ ‘Aigupta rama inthawka ka mi Israelhai ka ṭhuoi suok nia inthawkin Israelhai hnam laia khâwlai khuo khawm hi ka hming umna dinga in bâwlna dingin ka la thlang ngai naw a, amiruokchu, ka mi Israelhai hotu ding chun David hi ka thlang a nih,’ tia lo hriltu ama kut ngeia hung sukpuitlingtu hi inpâkin um raw se.

1 LALHAI 8:16 ပူးပေါင်းရင်းမြစ်များ

1 LALHAI 11:36

Chun, ka siehlaw Davidin ka hming inumtirna dinga ka thlang khawpui Jerusalema hin ka hmaa khâwnvar a nei zing theina dingin hnam khat chu a naupa chu pêng ka tih.

1 LALHAI 8:29

hi hmun tieng nghaa i siehlaw hin ṭawngṭaina ân sam ding chu ngaia nangin, ‘Chutaka chun ka hming chu um a tih,’ i tina hmun ngei in tieng hin a sûn a zânin i mit în lên zing theina dingin.

2 LALHAI 23:27

Chun, Lalpain, “Israel ka sawn hmang ang hin Juda khawm hi ka hmu phâk lovah sawn hmang vêng ka ta, hi khuo ka thlang Jerusalem ngei le, ‘Chutaka chun ka hming chu um a tih,’ ka tina in chu sukbo dai ka tih,” a ta.

1 CHANCHIN SUINA 17:3

Chun, chu zân le le chun Pathien thu chu Nathan kuoma chun a hung tlung ta a,

1 CHANCHIN SUINA 28:4

Ngai ta u, Lalpa Israel Pathien chun kumkhuoa Israelhai chunga lala um dingin ka thlatuhai thla laia inthawk chun a mi thlang suok a; ka thlatu sûngkuoah, Juda sûngkuoa chun, Juda chu hotu ni dingin a thlang ta si a; chuongchun, ka pa naupasalhai laia chun Israel po po chunga lala mi siem chu ṭha a ti zâwng tak a ni ta a;

NEHEMIA 1:9

amiruokchu, keia tieng in hung ngha nâwk a, ka thupêkhai in pawm a, in zâwm chun, nangni laia mi kâwlkawdawng chena hnawt suoka um khawm um hai sienla, chutaka inthawk khawm chun kei khâwm nâwk ka ti cheu a, ka hming ka înumtirna ding hmuna ka ruota chun ṭhuoi nâwk ka tih,’ tia thu i pêk kha lunginsiettakin hre zing rawh.

INPÂKNA HLABU 132:13

Lalpa chun Zion chu a thlang si a; A umna dingin a dit a nih.

INPÂKNA HLABU 78:70

A siehlaw David chu a thlang a, Berâm huona inthawk dâm chun a lâk suok a,

INPÂKNA HLABU 89:3

Nang chun i hril ta si a; Ka mi thlang kuoma chun thu ka thlung a, Ka siehlaw David kuoma chun ṭawng kân khâm ta a,

JEREMIA 7:12

Amiruokchu, tuhin ka hmun Siloa chun fe unla, a tira inthawka ka hming kân umtir zingnaa chun; ka mi Israelhai khawhlona leia thil ka ithawhai chu va hmu ta u.

DÂN PAHNINA 12:11

Lalpa in Pathienin a hming inumtirna ding a ruot ding hmuna hung lâk dinga ka ti po po chutaka chun in hung lâk ding a nih, in pumrawhmang thilinhlânhai, in sâwmapakhat dâm, in thên thilinhlânhai, Lalpa kuoma thutiema in tiem ṭha ṭhahai le chun.

DÂN PAHNINA 12:5

Lalpa in Pathienin in hnam po po laia a hming umna ding hmun a la ruot ding chu zawng lem in ta, chutaka chun in fe ding a nih.

1 SAMUEL 16:1

Chun, Lalpa chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.