1 LALHAI 8:1 - Pathien Lekhabu Inthieng (BSI)

¹ Chuongchun, Solomon chun Israel upahai le, an hnam lusahai po po dâm, Israel thlahai sûngkuo upahai chu Jerusalem khuoa lal Solomon kuoma chun David khawpui Ziona inthawkin Lalpa thuthlung bâwm zâwn dingin a ko khâwm tâwl a.

1 LALHAI 8:1 ပူးပေါင်းရင်းမြစ်များ

2 SAMUEL 6:6

Chun, Nakon hrizâwl an tlung chun Uzza chun Pathien bâwm chu a hei ban a, a chel a; sebâwng chu a pêm a pêm leiin.

1 LALHAI 2:10

Chun, David chu a puhai kuoma chun a in innghil ve ta a, David khawpuia chun an phûm a.

1 LALHAI 3:15

Chun, Solomon chu a hang har a, ngai ta, mang a lo ni zing el a; chun, Jerusalemah a fe a, Lalpa thuthlung bâwm hmaah a ngîr a, pumrawhmang thilinhlân le inremna thilinhlân ân hlân a; a siehlaw po pohai ta dingin ruoi a ṭhe a.

1 CHANCHIN SUINA 11:7

Chun, David chu kula chun a chêng ta a; chuleichun, David khawpui an ti ta a.

1 CHANCHIN SUINA 15:25

Chuongchun, David le Israel upahai le sâng khat chunga hotuhai chu Obed-edom ina inthawka Lalpa thuthlungna bâwm chu hlimtaka hung la dingin an fe ta a;

1 CHANCHIN SUINA 15:29

Chun, Lalpa thuthlungna bâwm chu David khawpui chu a hung tlung chun, Saula naunu Mikal chu tukvera hin a hei dâk a, lal David chu thil sut a, lâmin a hei hmu tah a; chuongchun, a lungril chun a hmusit hle ta a.

1 CHANCHIN SUINA 15:3

Chun, David chun Israel mihai po po chu Lalpa bâwm chu a hmun dinga a siema chun hang laa sie dingin, Jerusalema chun a khâwm ta a.

1 CHANCHIN SUINA 28:1

Lal David chun Israel lal po pohai, hnam tina luhai, a pâwl pâwla lal sinthawtuhai hotuhai, sipai sâng khat pâwl chunga hotuhai, za khat pâwl chunga hotuhai, a naupasalhai le lal thilnei le thuomhnaw po po chunga rorêltuhai le, mi lienhai le, mi huoisen, mi hrât khawkhênghai po po chu Jerusalema chun a ko khâwm vawng a.

2 CHANCHIN SUINA 30:1

Hezekia chun Israel Pathien Lalpa fekân ruoiṭhe chu hmang dingin Jerusalema Lalpa ina chun in hung ding a nih tiin Israel le Juda mihai po po kuomah mi a tir a, chun, Manasse le Ephraim mihai kuoma khawm lekha a ziek bawk a.

EZRA 3:1

Chun, thla sarina a hung tlung a, Israel mihai chu khuohaia an um phing chun, mipuihai chu inthuruoltak elin Jerusalema chun an inkhâwm ta a.

INPÂKNA HLABU 102:21

Mihaiin Lalpa hming chu Zion khuoa le, Ama inpâkna thu chu Jerusalem khuoa an hril theina dingin;

INPÂKNA HLABU 9:11

Lalpa, Ziona um chu inpâkin hla sak unla, Mihai lai chun a thilthawhai chu hril ro.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

NAMBAR 1:4

I kuomah hnam tin laia mi pakhat, sûngkaw puipa an um pei ding a nih.

JOSUA 23:2

Josua chun Israel mipuihai po po, an upahai le an lusahai le, an rorêltuhai le an hotuhai chu ân kotir a, an kuomah, “Kei chu ka upain ka lo tar ta a,

JOSUA 24:1

Chun, Josua chun Israel hnamhai po po chu Sekema chun a ko khâwm a. Israelhai upahai, an lusahai, an rorêltuhai, an hotuhai chu ân kotir a; Pathien hmaah an hung inlang tâwl a.

1 PETER 2:6

Chuleiin, Pathien Lekha Thua chun, “Ngai ta u, Ziona chun a kia lung pawimaw tak, thlang le hlutak ka rem a nih, Ama ringtu chu muolpho naw ni,” ti a chuong a nih.