1 LALHAI 7:26 - Pathien Lekhabu Inthieng (BSI)

²⁶ kutpha bawka sa a nih; a rei chu lili pâr ang, no rei anga siem a na, bath sâng hni keng a nih.

1 LALHAI 7:26 ပူးပေါင်းရင်းမြစ်များ

2 CHANCHIN SUINA 4:5

Chun, kutpha bawka sa a na; a rei chu no rei anga siem a na, lili pâr angin, bath sâng thum dawng a nih.

EZEKIEL 45:14

chun, hriek chan ruot thua chun, kor tinah bath hmun sâwma ṭhea hmun khat nîng a tih; chu chu bath sâwm tluk a na, homer khat a nih.

JEREMIA 52:21

Sûtpui chungthua chun, sûtpui pakhat seizie chu tawng sâwmpariet a nih; chun, tawng sâwmpahni vêltuok a nih; chu chu sazie chu kut bel li bawk a na, kawrawng a nih.

1 LALHAI 7:38

Chun, insâwpna bêl sâwm dârin a siem a, maihûn pakhat chun bath sâwmli a dawng a; maihûn chu tawng li seng a na, inṭhutna sâwm chunga chun maihûn pakhat chu ân ṭhut pei a.

1 LALHAI 7:19

Chun, tuolpûka ban sîphaia bâwka chun lili lim hi a chuong a, tawng li a nih.

1 LALHAI 6:35

Chuonghaia chun cherubhai, intûm thinghai pâr par tasahai lim chu a ker a, chuong ker mawihai chu nâmtakin rângkachakin ân luon a.

1 LALHAI 6:32

Chuongchun, Oliv thingin kawtkhâr pahni a siem a, chutaka chun cherubhai, intûm thing le pâr par tasahai lim dâm ker mawiin a siem a, chuong chu rângkachakin ân luon a; chun, cherubhai le intûm thinghai chu rângkachak a nâl a.

1 LALHAI 6:18

Chun, insûng tienga chun a kumûm le a pâr, pâr lima ker mawi sidar thing a um a, a rêng chun sidar thing vawng a nih; lung hrim hrim ân lang naw a.

FESUOKNA 25:25

A vêlin kutphabawkin a rei siem i ta, chu rei chu a vêlin rângkachakin inluon i tih.

1 LALHAI 7:25

Chu chu bâwngchal sâwm le pahni chungah ân nghat a, pathumin hmartieng an ngha a, pathumin thlangtieng an ngha a, pathumin simtieng an ngha a, pathumin saktieng an ngha a. Chun, zêng chu an chungah ân ṭhut a, an mei tieng chun sûng tieng chu a ngha seng a;

1 LALHAI 7:27

Chun, inṭhutna sâwm dârin a siem a, inṭhutna pakhat seizie chu tawng li a na, a khangtieng chu tawng li bawk a na, ân sâng tieng chu tawng thum a nih.

EZEKIEL 45:11

Epha le bath chu inkhina angkhat nîng an ta, bath chun homer hmun sâwma ṭhea hmun khat keng a ta, epha khawm chun homer hmun sâwma ṭhea hmun khat bawk, chu inkhina chu homer dungzui pei a ni ding a nih.