1 LALHAI 7:14 - Pathien Lekhabu Inthieng (BSI)

¹⁴ Ama chu Naphtali hnam hmeithai nau a na, a pa chu Tura khuoa mi dâr suttu a na, ama dâr sut kawnga hrim hrim chun a varin a hrietthiemin a themthiem hle el a. Lal Solomon kuoma chun a fe a, a sin po po chu a thawpêk vawng a.

1 LALHAI 7:14 ပူးပေါင်းရင်းမြစ်များ

2 CHANCHIN SUINA 2:14

ama chu Dan naunuhmeihai thlaa mi a na, ama pa chu Tura mi hrim, rângkachak sina le tangkaruoa le, dârsena le thîra le lunga le, thinga le, a senêma le, a dumpâwla le, puon zai inhmia le a senduka thiem a na, ker dân chi tinrênga ker ding le, thaw dân kawng ruot ang thaw ding mi thiem a na; i themthiemhai le ka pu David i pa, mi thiemhai leh ama chun sin thâwng a ta.

2 CHANCHIN SUINA 2:6

Amiruokchu, vân le vânhai vân khawm chun ama chu a dâwl nawh ti hmuin tuin am ama ta ding chun in bâwl thei a ta? Ama hmaa riminhnik rawna ding ti chau naw chu, ama ta dingin in ka hang bâwlpêk chu, a tu ang am ka ni hrim a?

2 CHANCHIN SUINA 4:11

Chun, Huram chun bêlhai, thlêngkûmhai le suodûrhai chu a siem a. Chun, Huram chun Pathien ina lal Solomon ta dinga a sinthaw chu a thaw zo ta a,

2 CHANCHIN SUINA 4:16

Bêlhai, suodûrhai, sakuoikimhai le chutaka bûr le bêlhai po po chu Huram chun Lalpa ina ding chun dârsen tle miin lal Solomon ta ding chun a lo siem vawng a.

FESUOKNA 28:3

Mi, lungrila varna nei, varna thlaraua ka suksiphai po chu, Aron silfênhai siem dingin hril rawh, ama chu thiempu sina ka kuoma rawng a bâwl theina dinga inhlânthieng a ni theina dingin.

FESUOKNA 35:30

Chun, Mosiein Israel mihai kuoma chun, “En ta u, Lalpa chun Juda hnama mi Hur naupa Uri naupasal a hming Bezalel chu a ko tah a nih;

FESUOKNA 35:31

ama chu varnaa le hrietthiemnaa le, kutthiem sin tinrêng thawtheina le hrietnaa chun Pathien Thlarauin suksip a nih;

FESUOKNA 35:35

Anni chu kutthiem sin tinrêng thiemtuhai, riruongtuhai, sahmul dumpâwl, a êm le seninlâr le patzai inhmi ṭhuimawi thiemhai le, puon khâwngtu sin kutthiemna le riruongna sin tinrêng thaw thiemnain a suksip tah a nih.

FESUOKNA 36:1

“Bezalel le Oholiab le mi themthiem tukhawm, Hmun Inthieng bâwlnaa sin po pohai thaw dân hre dinga an lungrila Lalpain thiemna le varna a sienahai taphawt chun Lalpain thu a pêk po po ang tak chun thâwng an tih,” a ti a.

FESUOKNA 36:8

Anni laia sinthawtu mi themthiemhai po po chun biekbûk chu puonzâr sâwm, puon zai inhmi kawp le, sahmul dumpâwl, a êm, le a seninlâr, cherubhai lim kutthiemtaka chei chun an siem ta a.

ISAI 28:26

A Pathien chun ama chu feltakin a thununin ân chûktir hlak si a.