1 LALHAI 5:6 - Pathien Lekhabu Inthieng (BSI)

⁶ Chuongchun, Lebanon tlânga mi sidar thinghai mi phûrpêk dingin thu pe la, ka siehlawhai khawm i siehlawhai lai hung ṭhang vêng an ta; chun, i siehlawhai hlaw ding chu i hril ang taphawtin pe pei ka ti che; Zidon mihai anga thing phûr thiem keini lai tukhawm an um nawh ti i hriet si a,” tiin mi a tir a.

1 LALHAI 5:6 ပူးပေါင်းရင်းမြစ်များ

INṬANNA 10:15

Kanaan chun a nau lutîrah Zidon a nei a, Heth khawm a nei bawk a;

1 LALHAI 10:26

Chun, Solomon chun tawlailîrhai le sakawr chung chuong mihai a ko khâwm ṭeu a, tawlailîr sâng khat le za li le sakawr chung chuong mi sîng khat le sâng hni a nei a, chuonghai chu tawlailîr siena khuohaia, Jerusalem khuoa lal umnaa dâm chun ân umtir a.

1 LALHAI 5:7

Chun, Hiramin Solomon thu a lo hriet chun a lâwm ta êm êm el a, “Hieng mi tamtak chunga rorêl dinga naupa vartak David kuoma petu Lalpa chu vawisûn hin inpâkin um raw se,” a ta.

1 LALHAI 6:16

Chun, in chawrtieng pang tawng sâwmhni chu a ṭuonga inthawka a bang chenin sidar thingphêkhaiin a siem vawng a, a biekna hmun, Hmun Inthieng tak ta ding khawm chun a sûngtienga chun a hmang a.

1 LALHAI 6:20

Chun, chu hmun inthiengtak chu a dung tieng tawng sâwmhni, a khang tieng tawng sâwmhni, ân sâng tieng tawng sâwmhni a nih; chu chu rângkachak hlirhlakin ân luon a; chun, sidar maichâm chu ân luon bawk a.

1 LALHAI 9:19

Solomonin thil siekhâwmna a nei khuo po po dâm, a tawlailîr siena khuo dâm, a sakawr chung chuong mihai siena khuohai dâm, Jerusalem khuoa dâm, Lebanona dâm, a rorêlna ram sûng po poa Solomonin ân hawitirna dinga siem a tumhai po po chu a lo siem tah a na.

1 LALHAI 9:27

Chun, Hiram chun a siehlaw lawng mihai, tuipuia châng ṭhang, lawnga Solomon siehlawhai fepui dingin a tir a.

1 CHANCHIN SUINA 22:4

Sidar thing a nizât hriet lo; Zidon mihai le Tura mihai khan David kuomah Sidar thing an hung lâk ṭeu si a.

2 CHANCHIN SUINA 1:14

Chun, Solomon chun sakawr tawlailîrhai le sakawr chung chuong mihai chu a kei khâwm a, sakawr tawlailîr sâng khat le za li le, sakawr chung chuong mi sîng khat le sâng hni a nei a; chuong chu sakawr tawlailîr khawpuiahai le lal kuomah Jerusalema chun a sie a.

2 CHANCHIN SUINA 2:10

Chun, i mi thing âttuhai kuoma chun bupui tekhâwng sîng hni le, buṭei tekhâwng sîng hni le, hriek bath sîng hni le uoin bath sîng hni pêng ka tih,” tiin.

2 CHANCHIN SUINA 2:8

Sidar thinghai, fâr thinghai, algum thinghai Lebanona inthawk khan mi hung inphur bawk la; i mihai chu Lebanona thingphûr an thiem ti ka hriet si a; chun, ngai ta, i siehlawhai chu ka siehlawhai leh um an ta;

EZRA 3:7

Lung sut mihai le themthiemhai kuoma chun sum an pêk a; chun, Persia lal Kuraa inthawka phalna an nei ang peiin, Lebanona inthawka tuisuorieta Joppa chena Sidar thinghai an hung lâkna dingin, Zidon mihai le Tura mihai kuoma chun bu le dâwn ding le hriek dâm an pêk bawk a.

INPÂKNA HLABU 29:5

Lalpa râwl chun Sidar thinghai chu sukthliek a ta, Anih, Lalpa chun Lebanon tlânga sidar thinghai chu a sukthliek seng sung hlak.

ZEKARIA 11:12

Chun, an kuoma chun, “In ngaia a ṭha chun ka hlaw chu mi pe unla, a ni naw chun, hrên el ro,” ka ta. Chuongchun, ka hlaw ding chun tangka sâwmthum an bûk ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:17

Tu suol khawm suolin thung naw ro, mi po po ngaia thil mawi chu ngaituo lâwk ro.

EPHESI 4:7

Nisienlakhawm, a thlâwna Krista thilpêk inkhina ang peiin lunginsietna chu ei kuom sengah pêk a nih.

DÂN PAHNINA 17:16

Amiruokchu, sakawr a hau ding a ni nawh, sakawr a hau theina dingin Aigupta mihai le chun inthuruol ding a ni bawk nawh. Lalpa chun, ‘Tuta chen chu, chu tienga chun in kîr nâwk ding a ni ta nawh,’ a ti tlat si a.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.