1 LALHAI 5:12 - Pathien Lekhabu Inthieng (BSI)

¹² Chun, Lalpain a tiem ang ngeiin Solomon chu varna a pêk a, chun, Hiram le Solomon inkâra chun inremna a um a, an pahni chun thu an thlung ve ve ta a.

1 LALHAI 5:12 ပူးပေါင်းရင်းမြစ်များ

INṬANNA 21:32

Chuongchun, Beer-sebaa chun thu an thlung ta a: chun, Abimelek chu a tho a, a sipai pâwl hotu Phikol leh Philistinhai rama chun an kîr nâwk ta a.

1 LALHAI 15:19

“Nang le keia kâra le ka pa le i pa kârah thuthlung a um a, ngai ta, lâwmman dingin tangkaruo le rângkachak ka hung thawn che; thaw ta, Israel lal Baasa hin a min kiensanna dingin a kuoma i thuthlung kha ṭhiek el ta,” tiin a thawn a.

1 LALHAI 3:12

ngai ta, varna le hrietna lungril ka pêk che a nih; chuongchun, i hmaah nangma ang hrim hrim tukhawm an um naw a, i hnunga khawm nanga ang hrim hrim chu tukhawm hung um ta naw bawk an tih.

1 LALHAI 4:29

Chun, Pathienin Solomon chu varna le hrietna nasatak le, lungril lienna tuipui kama phaiphin ang el a nasa a pêk a.

1 LALHAI 5:13

Chun, lal Solomon chun Israel mihai po po laia chun mi sinthawa ruoi lui pâwl a siem a; ruoi lui pâwl chu mi sîng thum an nih.

2 CHANCHIN SUINA 1:12

varna le hrietthiem theina chu i kuoma pêk a ni ta a; i hmaa lalhai tukhawma an nei dêr lo le, nangma hnunga tukhawma chuong anga an nei dêr lo ding hausaknahai le, neinungnahai le, inzâkaina pêng ka ti che,” a ta.

INPÂKNA HLABU 127:1

Lalpain in a bâwl naw chun, A bâwltuhai chu an inrim thlâwn el a nih: Lalpain khawpui a vawngṭha naw chun, A vêngtu chu a meng thlâwn el a nih.

THUVARHAI 1:1

Israel lal, David naupa Solomon thuvarhai chu:

THUHRILTU 12:9

Chu bâka chun, Thuhriltu hi a var leiin, mihai chu hrietthiemna ân chûktir hlak a, anih, a ngaituo a, a zawngsuok a, thuvar tamtakhai chu indawt peiin a sie a.

HLAHAI HLA 1:1

Hlahai hla, Solomon ta chu.

AMOS 1:9

Lalpain hieng ang hin a tih. “Tura khaw bawsietna pathum leiin, anih, pali leiin, a hremna sukbo naw ning; Edom mi kuomah mi po po chu a pêk a, unau thuthlung chu an hriet zing naw leiin;

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.