1 LALHAI 4:34 - Pathien Lekhabu Inthieng (BSI)

³⁴ Chuongchun, Solomon varna chanchin hre taphawthai chu khawvêla lalhai po poa inthawkin chi tina mi a varna ngai dingin an hung hlak a.

1 LALHAI 4:34 ပူးပေါင်းရင်းမြစ်များ

1 LALHAI 10:1

Chun, Lalpa hming dinga a thilthaw chungchâng thua Solomon hming inthangzie chu Seba lalnuin a lo hriet chun thu khirtak taka fie tumin a kuomah a fe a.

1 LALHAI 4:33

Thing chanchin hai khawm, Lebanon tlânga sidar thinga inthawka kula hung ṭo suok hussop chenin a hril hlak a; sa chanchin dâm, vate chanchin dâm, bawkinvâka lâwn mi chanchin dâm, nga chanchin dâm khawm a hril thei a.

2 CHANCHIN SUINA 9:1

Seba lalnu chun Solomon chanchin chu a lo hrietin, indawnna intak takhai le Solomon chu fie dingin rawi nasatak leh; sanghâwngsei, riminhnik le rângkachak tamtak le lunghluhai phurtuhai le chun Jerusalema chun a hung a; chun, Solomon kuom a hung tlung chun, a lungrila umhai po po thua chun ama chu ân biekpui ta a.

2 CHANCHIN SUINA 9:23

Chun, hnuoia lalhai po po chun Pathienin a lungrila varna a sie chu ngai dingin Solomon chu an hung pan huoi huoi hlak a.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

ZEKARIA 8:23

Sipaihai Lalpa chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet si a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.