1 LALHAI 3:7 - Pathien Lekhabu Inthieng (BSI)

⁷ Chuongchun, aw Lalpa ka Pathien, nang chun i siehlaw hi ka pa David aia chun lalah i lo siem ta a; kei chu chu naupangsie el ka la na, thu hung tieng le fe tieng khawm hi ka la hriet naw a,

1 LALHAI 3:7 ပူးပေါင်းရင်းမြစ်များ

2 SAMUEL 5:2

Kha hmaa Saula kan chunga ân lal laia Israelhai ṭhuoi suok le ṭhuoi lûttu i ni hlak a; chun, Lalpa chun i kuomah, ‘Ka mi Israelhai chu châwm i ta, Israelhai chungah hotuin um i tih,’ a ti kha,” an ta.

1 CHANCHIN SUINA 22:5

Chun, David chun, “Ka naupa Solomon hi a naupangin iengkhawm a hriet si naw a, Lalpa ta dinga in bâwl ding hi ropuitak a ni ding a na, ram po poa ropuitak le hming inthang tak el ding a ni si a; chuleiin, keiin buotsai ka tih,” a ta. Chuongchun, David chun a thi hma ngei chun nasatakin a buotsai ta a.

1 CHANCHIN SUINA 22:9

Ngai ta, naupasal hung nei i ta, ama chu mi sâwldamtak nîng a tih, a vêlin, a hmêlmahaia inthawk khawmin ama chu râlmuongna pêng ka ta, a hming khawm Solomon nîng a ta, ama hun laia chun Israel rama hin muongna le râlmuongna pêng ka tih;

1 CHANCHIN SUINA 29:1

Chun, lal David chun mipui inkhâwmhai po po kuoma chun, “Ka naupa Solomon Pathienin ama ngei a hung thlang hi, a la naupangin a la dâwng a, sin hlak chu a nasa hle a; a in chu mihriem ta ding ni lovin, Lalpa Pathien ta ding a ni si a.

INPÂKNA HLABU 121:8

Lalpa chun i suok le i lût chu vêng a ti che, Tuta inthawka kumkhawtluongin.

THUVARHAI 18:12

Sietna hmaah mihriem lungril chu a uong hlak a, Inzâkaina hmaa chun inngaitlâwmna a fe zie.

THUHRILTU 10:16

Aw ram, i chung a rik! i lal chu naupang a na, I rorêltuhaiin zîngkâr ruoi an ṭhe hlak si a.

JEREMIA 1:6

Chun, kei chun, “E, Lalpa PATHIEN, ngai ta, thu ka hril thei le; naupang el ka ni si a,” ka ti a.

JEREMIA 1:7

Nisienlakhawm, Lalpa chun ka kuomah hieng hin a hril a: “Naupang el ka nih, ti naw rawh, Tu kuoma khawm ka tirna phawt che kuoma chun i fe ding a ni si a; Thu ka pêk ang pei che chun thu hril bawk i tih.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 4:25

chuongchun, mihriem laia inthawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlobet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 4:32

Chun, mihriemhai laia inthawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung ti a.

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

DANIEL 5:21

chun, mihriem nauhai laia inthawk chun hnawt hmangin a um a; a lungril chu ramsahai lungril anga siem a hung na; a umna hmun chu ram sabengtunghai lai a ni ta a; chun, bâwngchal angin hlobet chu a ring a, a taksa chu vâna inthawka daidawin a sukhu ta bawk a: mihriemhai ram chunga hin Pathien Chunghnungtakin ro a rêl a, a nuom nuom chu a chunga chun a sie hlak ti a hriet hmakhat chun.

NAMBAR 27:17

Lalpa mi pungkhâwmhai chu vêngtu nei lo berâm anga an um nawna dingin an hmaa suok le lût a, anni ṭhuoi suoka ṭhuoi lûttu dingin,” tiin.

JOHAN 10:9

Kei kawtkhâr chu ka nih; tûkhawm keimaah a lût chun, humhimin um a ta, lûtin suok a ta, fâk ding hmu bawk a tih.

DÂN PAHNINA 31:2

An kuomah a hril a, “Tuhin chu kum za le sâwmhni ka lo ni ta a; ka suok invâk thei ta naw a; chun, Lalpain, ‘Hi Jordan vadung hi kân naw ti nih’ a mi ti a.

1 SAMUEL 18:16

Nisienlakhawm, Israelhai le Judahai po po chun David chu an ngaina êm êm a, anni laia lûta suok hlak a ni si a.