1 LALHAI 3:14 - Pathien Lekhabu Inthieng (BSI)

¹⁴ I pa Davidin a hraw anga, ka thuruothai le ka thupêkhai pawm dinga ka lampuihai i hraw chun indam sâwttir bawk ka ti che,” a ta.

1 LALHAI 3:14 ပူးပေါင်းရင်းမြစ်များ

THUVARHAI 3:2

Nihai seina le dam sûng kumhai, Thlamuongna leh an belsa ding che a ni si a.

INPÂKNA HLABU 91:16

Dam sâwtnain suklungawi ka ta, Ka sandamna chu inhmutir bawk ka tih.

ZEKARIA 3:7

“Sipaihai Lalpa chun hieng ang hin a ti a nih, ka lampuihaiah i fe a, ka iphût chu i thaw bawk chun, ka insûng ro rêl i ta, ka in inhuonna tuollaihai chu vawng ṭha bawk i tih. Chun, hitaka ngirhai lai hin um ve theina pêng ka ti che.

1 LALHAI 15:5

Hit mi Uria chungchâng ti nawa chun Davidin Lalpa mithmua thilṭha a thaw hlak lei le a dam sûng poa thaw dinga thu a pêk taphawt chu a sêl ngai dêr naw leiin.

THUVARHAI 3:16

A kut changtieng chun nihai seina chu a um a; A kut vawitieng chun hausaknahai le inzaumna an um bawk a.

2 CHANCHIN SUINA 34:2

Lalpa mithmuah thil indik chu a thaw a, a thlatu David lampuihai chu a hraw a, changtienga manih, vawitienga manih khawm a pêthmang naw a.

1 LALHAI 3:6

Solomon chun, “I siehlaw ka pa David kha i mithmua thutak le, felnaa leh, lungril indiktak puta a um ang pei khan nang chun a kuomah lunginsietna nasatak în langtir a, nangin hi lunginsietna nasatak hi a ta dingin i sie pêk a, a lalṭhungphaa ṭhung ding naupa i pêk a, vawisûna a hung um ta ang ngei hin.

THILTHAWHAI 13:22

Chun, ama chu a sawn hmang hnung khan an lala um dingin David a siem ta a; Pathienin chu thu chu inhriettirin, ‘David, Jessai naupa, ka lungril ang put mi ka hmu suok tah, ama chun ka dit zâwng taphawt thâwng a tih,’ a ta.

INPÂKNA HLABU 132:12

I nauhai chun ka thuthlung le, Ka thuinhriettir, anni ka lân chûktir ding chu, an zâwm chun, An nauhai khawm kumkhawtluongin i lalṭhungphaa chun ṭhung pei an tih,” tiin.

INPÂKNA HLABU 21:4

Ama chun hringna a hni che a, i lo pêk a, Kumkhawtluonga dam zingna chu.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

DÂN PAHNINA 5:16

“Lalpa i Pathienin thu a pêk che angin i nu le i pa chawimawi rawh; chuongchun, Lalpain ram a pêk che a hin tluongtlung i ta, i dam sâwt ding a nih.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

2 CHANCHIN SUINA 29:2

A thlatu Davidin a thaw ta ang po po khan, ama khawmin Lalpa mithmua thil indik chu a thaw a.

1 LALHAI 3:3

Solomon chun Lalpa chu a hmangai a, a pa David thuruothai chu a zâwm hlak a, bâwlhmunahai ân thâwi a, rim inhnikhai a raw el hlaka chu.

DÂN PAHNINA 25:15

Inkhina indiktak le feltak in nei ding a nih; chuongchun, Lalpain ram a pêk cheua hin in dam sâwt ding a nih.

DÂN PAHNINA 5:33

In va hluo ding rama in um a, in ta dinga ṭhatna ding le in chêng sâwt theina dingin Lalpa in Pathienin thu a pêk cheu lampui chu in hraw tluonsuok ding a nih.

1 LALHAI 11:34

Ram pumpui chu lâkpêk naw ning a, amiruokchu, ka thupêkhai le ka thuruothai pawmtu ka thlang, ka siehlaw David leiin a dam sûng chu lalah lân umtir hrîng ka tih,

1 CHANCHIN SUINA 28:7

Chun, a ram khawm chu kumkhawtluongin sukdet ka tih, tulai hun anga ka rorêlhai le ka thupêkhai thaw dinga a pawm zing chun,’ tiin.

INPÂKNA HLABU 21:5

I sandamnaa chun a ropuina chu a nasa a nih, Chawimawina le ropuina a chungah în nghat hlak a.