1 LALHAI 22:6 - Pathien Lekhabu Inthieng (BSI)

⁶ Chuongchun, Israel lal chun zâwlneihai mi za li lai a ko khâwm a, an kuomah, “Ramoth-gilead khuo hi thaw dingin ka hang inthawk ding am inthawk lo ding?” a ta. Anni chun, “Hang inthawk rawh, Lalpain lal kuta hin a pêk ding a nih,” an ta.

1 LALHAI 22:6 ပူးပေါင်းရင်းမြစ်များ

1 LALHAI 18:19

Chuleiin, tuhin Israelhai po po le Baal zâwlnei za li le sâwmnga leh, Asera zâwlnei, Jezebel dawkâna thlaithlêng awt ve hlakhai za li kha ka kuomah Karmel tlângah vân ko khâwmtir rawh,” a ta.

EZEKIEL 13:22

Mi fel lungril ka suklungngai naw chu thukhêla in suklungzîng tâk leiin mi rilo kuthai khawm in lo sukhrât ta a, a lampui rilova inthawka a kîr nâwk nawna dingin hringna thu in tiem a;

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

2 TIMOTHE 4:3

Inchûktirna indik an ngai pei naw hun a la tlung ding a ni si a; an nahai ân za leiin anni dit zâwng angin inchûktirtuhai an kuomah inkhâwm lem an tih.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

2 CHANCHIN SUINA 18:14

Chun, lal kuom a hung tlung chun lal chun a kuomah, “Mikaia, Ramoth-gileada chun indo dingin kan hang fe ding am, annawleh ka tosan el ding?” a ta. Ama chun, “Hang fe la, hang hlawtling rawh, i kutah pêk suok an ni ding a nih,” a ta.

1 LALHAI 22:15

Chun, lal kuoma a hang tlung chun, lal chun a kuomah, “Mikaia, Ramoth-gilead khuo thaw dingin ka hang inthawk ding am a ni, hang inthawk lo ding?” a ta. Chun, ama chun a dawn a, “Hang inthawk la, hang hlawtling raw khai, Lalpa chun lal kutah a pêk ding a nih,” a ta.

1 LALHAI 22:5

Chun, Jehosaphat chun Israel lal kuoma chun, “Lalpa thu chu la ngai hri phawt la tie,” a ta.

1 LALHAI 22:10

Chun, Israel lal le Juda lal Jehosaphat chu Samari khaw kul kawtkhâr lûtna bula hrizâwla chun an lal puona inthuomin an lalṭhungpha ve vea chun an ṭhung a; chun, zâwlneihai po po chun an hmaa chun thu an hril a.

2 LALHAI 3:13

Chun, Elisa chun Israel lal kuoma chun,“ Nang le kei hin ieng am inhmangna ei nei a? fe la, i nu le i pa zâwlneihai kuomah fe dai rawh,” a lo ti a. Chun, Israel lal chun a kuomah, “Ni lo e, Lalpa chun hi lal pathumhai hi Moab mihai kuta pêk dingin a mi ko khâwm a ni ta hi,” a ta.

2 LALHAI 10:19

Chuongchun, Baal zâwlneihai po po le a betuhai po po le a thiempuhai po po ka kuoma hin hung ko khâwm ta u; tukhawm a kim naw um naw raw se, Baal kuoma hin inthâwina ropuitak inhlân ding ka nei a, tukhawm a kim naw taphawt chu hring dêr naw nih,” a ta. Nisienlakhawm, Jehu chun Baal betuhai chu sukhlum tumin, var vervêkin a thaw a nih.

ISAI 36:10

Chun, hi ram hi sukse dinga thaw dingin Lalpa ṭhang lova hung am ka nih? Lalpain ka kuomah, Chu ram chu thaw dingin hang fe la, sukse rawh, a mi ti a nih,’ tiin,” a ta.

1 LALHAI 12:9

An kuoma chun, “Hieng mipuihai, ka kuoma, ‘I pain ka chunga rîngkawl ân nghat hi mi sukzângpêk rawh,’ tia hriltuhai hi ka dawn dân ding rem ieng am in mi ruotpuia le?” a ti a.

1 LALHAI 18:20

Chuongchun, Ahab chun Israel mi po po lai chun mi a tir a, zâwlneihai chu Karmel tlânga chun a ko khâwm a.