1 LALHAI 21:2 - Pathien Lekhabu Inthieng (BSI)

² Chun, Ahab chun Naboth chu, “Ka in bul a ni lei hin i grêp huon hi thlai huon dingin mi pe raw khai, a aia chun grêp huon ṭha lem pêng ka ti che; annawleh i nuom lem chun a tangkain a man tâwk chu pêng ka ti che,” a ta, a biek a.

1 LALHAI 21:2 ပူးပေါင်းရင်းမြစ်များ

INṬANNA 16:6

Abram ruok chun Sarai kuomah, “Ngai ta, i suoknu chu i kuta um annâwm, nanga remti ang ang chu a chungah thaw ta la,” a ti a. Chuongchun, Sarai chun a sukrimsi ta hle a, chuleiin, a tlânhmangsan ta a.

INṬANNA 3:6

Chuongchun, nuhmei chun thing ra chu fâk dinga ṭha a nih ti le, mit latak a nih ti le, mi sukvar dingin thing ra inhnarumtak a nih ti a hriet chun a ra chu a lo a, a fâk ta a; a kâwla um a pasal kuoma khawm chun ṭhen khat a pêk a, ama khawm chun a fâk ta a.

1 LALHAI 21:3

Chun, Naboth chun Ahab kuomah, “Ka puhai ro hang pêk che chu ka ta dingin a âwmin a âwm nawh ie,” a ti a.

1 LALHAI 21:6

Ama chun a kuomah, “Jezreel mi Naboth chu ka va biek a, a kuomah, ‘I grêp huon hi min châwktir rawh, annawleh i dit lem chun a aiah grêp huon dang pêng ka ti che,’ ka ti a, ama chun, ‘Ka grêp huon chu pe thei naw ning che,’ tiin a mi dawna a nih,” a ta.

2 LALHAI 9:27

Nisienlakhawm, Juda lal Ahazia chun chu chu a hmu chun Beth-haggan tieng a tlân ta a. Chun, Jehu chun a hnawt a, “Ama khawm tawlailîra khan that nghâl ro,” a ta. Chuongchun, Ibleam khaw kâwl, Gur hang fenaa chun an kâp hliem a. Chun, Megiddo khuoah a tlân lût a, chutaka chun a thi ta a.

FESUOKNA 20:17

I vênghai in în hnar ding a ni nawh; i vênghai nuhmei amanih, a siehlawpa amanih, a siehlawnu amanih, a bâwngchal amanih, a sabengtung amanih, i vênghai thil nei hrim hrim chu în hnar ding a ni nawh,” tiin.

THUHRILTU 2:5

Ka ta dingin huonhai le lênghmunhai ka siem a, chuongahai chun theikûng chi tinrêng ka phun a;

HLAHAI HLA 4:15

Nang chu huona tuikhur, tuisunsuo hnâr nei le, Lebanona vadungtê luonghai i nih.

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

LUKA 12:15

Chun, an kuomah, “Fimkhur unla, inhnarna hrim hrima inthawk chun invêng ro, sum hau hi mihriem dam san a ni nawh,” a ta.

DÂN PAHNINA 11:10

In va hluo ding ram chu in hung suokna Aigupta ram, thlai huona chi in tu a, in kea tui in buokna hlak ang a ni naw a;

DÂN PAHNINA 5:21

“I vênghai nuhmei chu în hnar ding a ni naw a, i vênghai in amanih, a lo amanih, a suokpa amanih, a suoknu amanih, a bâwngchal amanih, a sabengtung amanih, i vênghai thil a ieng iengkhawm în hnar ding a ni nawh,” tiin.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

1 SAMUEL 29:6

Chuongchun, Akis chun David chu a ko a, a kuomah, “Lalpa hringna sâlin ka hril a nih, mi indiktak i lo na, sipaihai lai ka kuoma i fea i hung hlak chu ka mithmua chun a ṭha hle el a; ka kuoma i hung nia inthawk vawisûn chen hin i chungah iengkhawm ṭhat nawna hrim hrim ka hmu dêr naw a; nisienlakhawm, lalhai rawi hin an ngaina naw che a nih.

1 SAMUEL 8:14

In lohai, in grêp huonhai, oliv huonhai, a ṭha ṭhahai chu lâkpêk a ti cheu a, a siehlawhai pêng a tih.

1 SAMUEL 8:6

Nisienlakhawm, a kuoma, “Ro mi rêlpêktu ding lal mi pe rawh,” an ti chun Samuel chu a suklâwm naw hle a. Chuongchun, Samuel chu Lalpa kuomah a ṭawngṭai a.