1 LALHAI 2:7 - Pathien Lekhabu Inthieng (BSI)

⁷ Gilead mi Barzillai nauhai chunga ruok chun lunginsietna inlangtir la, i dawkâna thlaithlêng awttuah inṭhangtir ve rawh; i unau Absalom leia ka tlân hmang lai khan ka kuomah an hung si a.

1 LALHAI 2:7 ပူးပေါင်းရင်းမြစ်များ

INṬANNA 40:14

Amiruokchu, i chan ṭhat nâwk pha chun mi hung hre zing la, lunginsiettakin lunginsietna ka chungah hung inlangtir la, Pharao kuomah ka chanchin hung hril la, hi ina inthawk hin mi ṭhuoi suok rawh.

2 SAMUEL 19:28

Ka pa sûnghai po po chu lalpa ka pu hmaa chun sukhlum vawng âwm an na, nisienlakhawm, i siehlaw hi i buthlêng awtpuituhai lai ân ṭhangtir a. Chuleichun, lal kuoma hin thil dang phût ngam âwm khawm am ka ni ta?” a ta.

2 SAMUEL 9:10

Chun, a ta dingin hnuoi inletpêk i ta, nang le i naupasalhai le i siehlawhai leh; chun, i pu naupa chun fâk dinghai a nei theina dingin i thawsuokhai chu hung lâng i ta, i pu naupa Mephiboseth ruok hin chu ka dawkânah buthlêng awt rawp a tih,” a ta. Ziba chun naupasal sâwmpanga le siehlaw sâwmhni a nei a.

2 SAMUEL 9:7

Chun, David chun a kuomah, “Ṭi naw rawh, i pa Jonathan zârah lunginsiet ngei ngei ka ti che a, i pu Saula ram po po inneitir nâwk ka ti che a; chun, ka dawkânah buthlêng awt ve rawp ta hlak i tih,” a ta.

2 LALHAI 25:29

Ân tângna in silfênhai chu a thleng a, a dam sûng po chun a kuomah thlaithlêng a awt ve ta rawp a.

2 LALHAI 25:30

Chuongchun, a châwmna dingin a hmu tâwk dingin lalin ni tin, a dam sûng po po chun chanvo a siempêk ta zing a.

EZRA 2:61

Chun, thiempuhai thlahai: Habaia thlahai, Hakkoz thlahai, Barzillai, Gilead mi Barzillai naunuhmei nuhmeia neia anni hming put sâwngtu thlahai le chun.

THUVARHAI 27:10

Nangma ruol ngei ngei le, i pa ruolpa chu nghatsan naw, I lunginzîng nia chun i unaupa ina chun fe bawk naw rawh. Unau inhlatpui tak nêkin, tuolbâwm inhnaipui tak chu a ṭha lem.

JEREMIA 52:33

Chun, a lung in intângna silfênhai chu a thlengpêk a, a kuoma chun ni tinin a dam sûng po chu bu a fâk ve hlak a.

LUKA 12:37

An pu a hung phaa suok lo nghâk zinga a hmu dinghai chu an hamṭha. Titakzetin ka hril cheu hi, ama chun a dier hung kei a ta, anni chu thlaithlêng awtin inṭhungtir a ta, an rawng hung bâwlpêk a tih.