1 LALHAI 2:6 - Pathien Lekhabu Inthieng (BSI)

⁶ Chuongchun, i rem hriet dân angin thaw la, a lua kêlsam ṭo hi thlânah lungmuongtakin inliemtir naw rawh.

1 LALHAI 2:6 ပူးပေါင်းရင်းမြစ်များ

INṬANNA 42:38

Ama chun, “Ka naupa hi nangni leh fe thla ve naw tawp a ti, a u a thi ta a, ama bak hi a ni ta si a: in fena lampuia dâm tuoksuol zu tuok sienla, ka lu inṭuok hi lungngaitakin thlânah in inliemtir ding a nih,” a ti a.

INṬANNA 9:5

Chun, in thisen, in hringna phuba chu la ngei ngei ka tih; sa tinrêng chunga chun lâng ka tih, mihriem kuoma inthawk khawmin, mi tin an unauhaia inthawk chun, mihriem hringna phuba chu la seng ka tih.

INṬANNA 9:6

Tukhawm mihriem thisen insuotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem si a.

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

1 LALHAI 2:7

Gilead mi Barzillai nauhai chunga ruok chun lunginsietna inlangtir la, i dawkâna thlaithlêng awttuah inṭhangtir ve rawh; i unau Absalom leia ka tlân hmang lai khan ka kuomah an hung si a.

1 LALHAI 2:9

Chuongchun, thiemchang chun chu insuo naw rawh, mi var i ni si a, a chunga ieng anga thaw ding am a na ti hre el i tih; a lua kêlsam ṭo chu thisen leh thlânah în liemtir ding a nih,” a ta.

1 LALHAI 3:12

ngai ta, varna le hrietna lungril ka pêk che a nih; chuongchun, i hmaah nangma ang hrim hrim tukhawm an um naw a, i hnunga khawm nanga ang hrim hrim chu tukhawm hung um ta naw bawk an tih.

2 LALHAI 22:20

Chuongchun, ngai ta, i pi le puhai kuomah ṭhuoi ka ti che a, thlânah lungmuongtaka ṭhuoiin um i ta, hi hmuna thil ṭha nawtak ka hung intlungtir ding chu i mitin hmu ve naw nih, a tih,’ tiin,” a ta. Chuongchun, thu chu lal kuoma chun an vân tlun nâwk a.

INPÂKNA HLABU 37:37

Mi demkailo inchik la, mi indiktak chu en rawh, Chuong ang mi tâwpna ding chu lungmuongna a ni ding a ni si a.

THUVARHAI 20:26

Lal var chun mi khawhlohai chu a hnawt dar a, Bu chîlna tawlailîr kekuol chu an chungah a hung lâk.

THUVARHAI 28:17

Mi tukhawm mi dang hrim hrim thisena suksipa um chu Khur tieng chun tlân hmang a ta, tukhawma chel naw raw se.

THUHRILTU 8:11

Sin ṭha naw chunga thu rêl thlûk chu inrangtaka suksuok a ni ngai naw a, chuleichun, mihriemhai naupasalhai chun thil suol thaw dingin an lungril chun a tin rân hlak a nih.

ISAI 48:22

Lalpa chun, “Mi rilohai ta ding chun muongna hrim hrim a um nawh,” a tih.

ISAI 57:2

Lungmuongnaa chun an lût hlak a; an khumahai chun an zâl sâwldam hlak, indiktaka fe taphawthai chu.

ISAI 57:21

Ka Pathien chun, “Mi rilohai ta ding chun lungmuongna hrim hrim a um nawh,” a tih.

ISAI 65:20

Chutaka inthawka suok chu nautê ni sâwt nawtê dam um naw ni hai a, putar a dam sûng nihai tlingtla naw um bawk naw ni hai: naupang chu kum za mi niin a thi ding a ni si a, mi suol kum za chau dam chu ṭawngsephur a ni ding a nih.

NAMBAR 35:33

Chuongchun, in umna ram chu, sukpawrche ding a ni nawh, thisen chun ram chu in sukpawrche si a, thisen suokna ram pawrche sâwpna ding chun thisen insuotu thisen ngawt naw chu hmang thei a ni si naw a.