1 LALHAI 2:4 - Pathien Lekhabu Inthieng (BSI)

⁴ Lalpain ka chungchâng thua, ‘I thlahaiin an lungril tak le, an lungvar taka ka mithmua thutaka um dinga an umdân an fîmkhur chun Israelhai lalṭhungphaa ṭhung ding tlasam naw ti ni,’ tia a hril kha a sukdet ding a nih.

1 LALHAI 2:4 ပူးပေါင်းရင်းမြစ်များ

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

2 SAMUEL 7:25

Chuongchun, Aw Lalpa Pathien, i siehlaw chungchâng thu le a sûnghai chungchâng thu i hril chu chatuona dingin suknghet la, i hril ta ang khan thaw rawh.

1 LALHAI 1:48

Chun, lal khawm chun hieng ang hin a ti a, ‘Lalpa Israelhai Pathien, vawisûn ngeia ka lalṭhungphaa ṭhung ding hung ruottu chu inpâkin um raw se, ka mit ngeiin a hmu ta hi, tiin,’ ” a ta.

1 LALHAI 11:36

Chun, ka siehlaw Davidin ka hming inumtirna dinga ka thlang khawpui Jerusalema hin ka hmaa khâwnvar a nei zing theina dingin hnam khat chu a naupa chu pêng ka tih.

1 LALHAI 3:14

I pa Davidin a hraw anga, ka thuruothai le ka thupêkhai pawm dinga ka lampuihai i hraw chun indam sâwttir bawk ka ti che,” a ta.

1 LALHAI 3:3

Solomon chun Lalpa chu a hmangai a, a pa David thuruothai chu a zâwm hlak a, bâwlhmunahai ân thâwi a, rim inhnikhai a raw el hlaka chu.

1 LALHAI 6:12

“Hi in bâwl lai mêk chungchâng thu hi ka thuruothai i pawm a, ka rorêlhai i zâwm a, ka thupêk po pohai zâwm dinga i pawm phawt chun, i pa David kuoma ka lo hril tah ka thu kha i chungah sukdet ka tih.

1 LALHAI 8:23

“Aw Lalpa, Israelhai Pathien, i siehlaw an lungril po poa um ṭhahai kuoma thuthlung hlena lunginsietna suklang hlaktu, i siehlaw ka pa David kuoma thutiem hlentu, chungtieng vâna le hnuoitieng hnuoia hin nangma ang hi Pathien dang hrim hrim an um dêr nawh;

1 LALHAI 8:25

Chuongchun, aw Lalpa Israelhai Pathien, i siehlaw ka pa David kuomah, ‘I thlahai chu ka mithmua i um anga ka mithmua um ve dinga an um dâna an fîmkhur phawt chun ka mithmuah Israelhai lalṭhungphaa ṭhung ding tlasam naw ti nih,’ tia i lo tiem ta kha hung hlen la.

1 LALHAI 9:5

Israelhai chunga hin i ram lalṭhungpha chu kumkhuoa dingin suknghet ka tih, i pa David kuoma, ‘Israelhai lalṭhungphaa ṭhung ding tlasam naw ti nih,’ tia ka lo tiem ta ang khan.

2 LALHAI 20:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

2 LALHAI 23:25

Mosie dân ang po poa lungril po po le thlarau po po le hrâtna po poa Lalpa pawm ama ang hrim hrim a hmaa lal tukhawm an um naw a, a hnunga khawm ama ang chu tukhawm an um nâwk ta bawk nawh.

2 LALHAI 23:3

Chun, lal chu ban hrûlah a ngîr a, chu lekhabua chuong thuthlung thu chu sukdet dingin lungril po po le thlarau po poa Lalpa zui ding le a thupêkhai, a thu inhriettirhai, a thuruothai pawm dingin Lalpa hmaa chun thu a thlung a;

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 17:3

Chun, Lalpa chu Jehosaphat kuoma chun a um a, a thlatu David lampui hmasahai chu a hraw lei le Baal chu zawng lova,

2 CHANCHIN SUINA 6:16

Chuleiin, tuhin aw Lalpa, Israelhai Pathien, ‘Ka hmaa i khawsak anga, ka dân hraw dinga i thlahaiin an pawi sa chun; ka mithmuah Israel lal ṭhungphaa ṭhung ding mi intlâksamtir naw ning che,’ tia ka pa David i siehlaw kuoma i lo tiem ta kha hung hre zing rawh.

2 CHANCHIN SUINA 7:18

‘Israel rama rorêltu ding intlâksamtir naw ning che,’ tia i pa David kuoma thu ka lo thlung ta ang khan i lalram lalṭhungpha chu sukdet ka tih.

INPÂKNA HLABU 119:9

Tleirâwlin iengtin am a um dân sukthieng thei a ta? I thu ang peia a um dân chu vêngṭhain,

INPÂKNA HLABU 37:22

A malsâwmna dawngtuhai chun ram hi hluong an ta, A ṭawngse phurtuhai chu sukbohmangin an um ding a nih.

INPÂKNA HLABU 37:9

Thil ṭha naw thawtuhai chu sukbohmangin an um ding a ni si a, Lalpa nghâktuhai ruok chun ram hi hluong an tih.

INPÂKNA HLABU 39:1

Ka lei hin thil ka suksuol nawna dingin, Ka umdânhai hi vêng ṭhang ka ta; Mi rilohai ka hmaa an um sûng po, Ka bau hi hmûrkhitnain khit ka tih, ka ti a.

JEREMIA 33:17

“Lalpa chun hieng hin a ti si a: Israel sûngkuo lalṭhungpha chunga ṭhung ding, David chun mi tlasam ngai naw ni;

LEVI DÂN 26:3

“Ka thuruothai chu in zâwm a, ka thupêkhai chu in pawm a in zâwm chun,

ZEKARIA 14:2

Jerusalem chu do dingin hnam po po chu ka kei khâwm ding a ni si a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khawpuia inthawka sât thlâk ni naw ni hai.

MATTHAI 22:37

Chun, ama chun a kuomah, “ ‘Lalpa I Pathien chu I lungvar po poin, i thlarau po poin, i lungril po poin i hmangai ding a nih,’ ti hi.

LUKA 1:6

An pahni chun Pathien mithmuah feltakin an um a, Lalpa thupêk le a dân po po chu sawisêlboa zâwm hlak mi an nih.

DÂN PAHNINA 10:12

“Khai le, Israel mihai, nangnia inthawka Lalpa in Pathienin a phût chu ieng dang khawm a ni naw a, in ṭhatna dinga Lalpa in Pathien in ṭi a, a lampui po po chu hraw a, ama hmangai a, in lungril po po le in lungvar po poa Lalpa in Pathien rawng bâwl a,

DÂN PAHNINA 11:13

“Chun, Lalpa in Pathien chu hmangai ding le in lungril po po le in lungvar po poa a rawngbâwl dinga ka thupêk tuta ka pêk cheu hi ṭhahnemngaitaka in zâwm chun,

DÂN PAHNINA 6:5

Lalpa in Pathien chu in lungril po poin, in lungvar po poin, in hrâtna po poin in hmangai ding a nih.

DÂN PAHNINA 7:12

“Hieng rorêlhai hi in ngai a, in zâwm a, in thaw leiin Lalpa in Pathienin in pi le puhai kuoma ṭawng inkhâma a thuthlung le a lunginsietna chu in chungah vawng zing a ta;

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,