1 LALHAI 2:32 - Pathien Lekhabu Inthieng (BSI)

³² Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet lova a thaw a, kâwlhnâma a that leiin Lalpain a thisen chu ama lu chung ngeiah hung inlêttir a tih.

1 LALHAI 2:32 ပူးပေါင်းရင်းမြစ်များ

INṬANNA 4:11

Hnuoi, i kuta inthawka i sang thisen dawng dinga a bâu lo katua inthawkin ṭawngsephur i ni tah,

INṬANNA 42:22

Chun, Reuben chun, “Naupang chungah thil suksuol naw ro ka ti naw cheu am a nih? in ngai naw a, chuleiin, ngai ta u, a thisen phuba chu an lâk a ni hi,” tiin anni chu a dawn a.

INṬANNA 9:6

Tukhawm mihriem thisen insuotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem si a.

2 SAMUEL 1:16

Chun, David chun a kuomah, “Lalpa hrieknâl chu ka that a nih,’ tia nangma bâu ngeia in puong leiin i thisen chu nangma lu chung ngeiah um raw se,” a ta.

2 SAMUEL 17:25

Chun, Absalom chun, Joab aiah Amasa chu sipaihai hotuah a sie a. Amasa chu mi pakhat a hming Ithra, Ismael mi, Joab nu Zeruia zuorpuinu Nahas naunu Abigail pâwltu naupa a nih.

2 SAMUEL 3:29

Joab lu chungah tla sienla, a pa sûnghai po po chunga leh; Joab sûnghaia inthawka thil pût amanih, phâr amanih, hmawl ringsana um mi amanih, kâwlhnâma thi amanih, ṭâm amanih hung um lovin um naw raw se,” a ta.

2 SAMUEL 3:37

Chuongchun, mipui po po le Israel mi po pohai chun Nera naupa Abner thata um chu lal thu a ni nawh ti an hriet ta a.

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

2 SAMUEL 4:11

Mi fel ama insûng luma, a khumlaizâwl ngeia mi, mi suolin an that a thisen man chu nangnia inthawk hin ka phût nâwk zuolin, hnuoia inthawk hin ka va sukbohmang âwm ngei cheu de aw,” a ta.

1 LALHAI 2:44

Chun, lal ma chun Simei kuomah, “I lungril sûng rîtlozie, ka pa David chunga i thawziehai kha i hriet vawng a, chuongchun, Lalpain i rîtlona hi nangma lu chunga ngei hung inlêttir a tih.

1 LALHAI 2:5

Chun, Zeruia naupa Joab mi thawzie, Israelhai sipai hotu pahni Nera naupa Abner le Jether naupa Amasa hai a thawzie ngei kha i hriet a. Khânga a that a, inrem laia indo lai thisen insuoin ân suo a, a kâwnga a kâwngkhi le a kekawk buna indona thisen a sukkaizie hai kha.

1 LALHAI 8:32

nangin vâna inthawkin lo ngai la, châng la, mi suol chu ama lu chunga ngei a um dân innghata thiemnaw inchangtirin, mi fel chu a felna ang anga inhlawtir a, thiem inchangtirin i siehlawhai hi ro rêlpêk rawh.

2 CHANCHIN SUINA 21:13

Israel lalhai lampuihai chu i hraw lem a. Ahab sûngkuoin an lo thaw ta angin, Jerusalema umhai le Juda rama mihai chu i lo inuirettir ta a; chun, i pahnama mi i unauhai nanga nêka ṭha lemhai chu i that bawk a,

2 CHANCHIN SUINA 21:14

ngai ta, Lalpa chun i mihai, i nauhai, i nuhmeihai le i thilnei po pohai chu hripuiin nasatakin a hrem ding a nih;

ESTHER 1:19

Lal hin ṭha a ti zâwng a ni chun lal kuoma inthawk hin lal thupêk chu suok sienla, ‘lal Ahasuer hmaa hin Vasti hi hung ta ngai hrim hrim naw raw se,’ tiin Media le Persia dân thleng nâwk ngai ta lohai ang chun ziek ni raw seh; chun, lal hin a lalnu nina hi ama nêka ṭha lem mi dang kuomah pe bawk raw seh.

INPÂKNA HLABU 7:16

A thil suksuolna chu ama lu chung ngeia chun hung kîr nâwk a ta, Nunsetaka a thilthaw chu ama lusîpa ngei hung tlâng a tih.

INPÂKNA HLABU 7:17

Lalpa chu a felna lei hin a kuomah lâwmthu hril ka ta, Lalpa Achunghnungtak hming inpâkin sak bawk ka tih.

EZEKIEL 17:19

Chuleiin, Lalpa Pathien chun hieng ang hin a tih; Ka hring zing angin ka inkhâmna a hmusit le, ka thuthlung a bawsiet ta chu ama lu chunga ngei chun hung intlungtir ngei ngei ka tih.

NAMBAR 32:23

Amiruokchu, chuong anga in thaw naw chun, ngai ta u, Lalpa chunga suol nîng in ta, in suol chun hmu suok ngei ngei a ti cheu ti hre ro.

RORELTUHAI 9:24

Chu chu Jerubbaal naupasalhai sâwmsari chunga nunsetaka an thaw leia an chunga phuba lâkna a hung tlung theina ding le, anni thattu an unaupa Abimelek chunga le a unauhai that dinga a kut lo sukhrâttu Sekem mihai chunga an thisen a um theina dingin a nih.

RORELTUHAI 9:57

chun, Sekema mihai rîtlona po po khawm kha Pathienin a hung thung ve ta thung a: chun, Jerubbaal naupa Jotham ṭawngsie kha an chungah a hung tla ta a nih.

1 SAMUEL 15:28

Chun, Samuel chun a kuomah, “Vawisûna inthawk hin Lalpa chun Israel ram hi a lâkpêk ta che a, i nêka ṭha lem i tuolbâwm a pêk tah a nih.