1 LALHAI 2:3 - Pathien Lekhabu Inthieng (BSI)

³ i thilthaw taphawta le i nghatna tieng poa i tluongtlung theina dingin Mosie Dân ziek anga, Lalpa i Pathienin a lampuihai hraw ding le, a thuruot dâm, a thupêk dâm, a rorêlhai dâm le, a thuinhriettir pawm dinga a pêkhai hi zâwm rawh;

1 LALHAI 2:3 ပူးပေါင်းရင်းမြစ်များ

2 SAMUEL 8:14

Chun, Edoma chun râl vêng sipai a sie a, Edom ram hmun tinah sipai a sie nghuon el a; chuongchun, Edom mihai po po chu David siehlawhai an hung ni ta a; chuongchun, Lalpain David chu a fena tieng taphawtah ân hnetir ta pei a.

2 SAMUEL 8:6

Chuongchun, David chun Suria rama Damaskaa chun sipaihai a sie a; chuongchun, Suria mihai chu David siehlawhai an hung ni ta a, thilpêkhai an hung pêk hlak a. Chun, Lalpain David chu a fena tieng taphawta chun ân hnetir pei a.

1 LALHAI 3:3

Solomon chun Lalpa chu a hmangai a, a pa David thuruothai chu a zâwm hlak a, bâwlhmunahai ân thâwi a, rim inhnikhai a raw el hlaka chu.

2 LALHAI 18:7

Chuongchun, Lalpa chu a kuomah a um a; a suok invâkna taphawta chun a tluongtlung pei a; Assuria lal chunga chun a hel a, a rawng a bâwl ta naw a.

1 CHANCHIN SUINA 29:19

ka naupa Solomon kuoma khawm, i thupêkhai le, i thu inhriettirhai le, i thuruothai chu zâwm dingin le, hieng thilhai po po hi thaw a, a châkkhai ka lo sielâwk tahai chun lalin bâwl dingin lungril ṭha famkim pe bawk rawh,” a ta.

INPÂKNA HLABU 119:111

I thuinhriettirhai chu kumkhawtluonga ka ro dingin ka lâk a, Ka lungril suklâwmtu a ni si a.

INPÂKNA HLABU 119:138

I thuinhriettirhai chu feltak le, Ringum êm êmin thu i pêk a.

INPÂKNA HLABU 119:2

A thuinhriettirhai zâwmtuhai chu an hamṭha, Lungril po poa zawngtuhai chu.

INPÂKNA HLABU 19:7

Lalpa dân chu a ṭha famkim a, hringna a siemṭha hlak, Lalpa thu inhriettir chu ring a um a, mi mâwl a sukvar hlak.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

LEVI DÂN 8:35

Intuokna puon in kawtkhâr bula chun ni sari, sûn le zân um zing in ta, in thi nawna dingin Lalpa thupêk chu in zâwm ding a nih, chuong anga thu pêk chu ka nih,” a ta.

MALAKI 4:4

“Israelhai po po ta dinga Horeba ka ipêk, rorêlna le thuruothai, ka siehlaw Mosie dân chu hre zing ro.

DÂN PAHNINA 29:8

An ram chu ei lâk a, Reuben mihai, Gad mihai, Manasse hnam zâtve hai hluo dingin ei pêk a.

DÂN PAHNINA 29:9

Chuongchun, in thil thaw po poa in tluongtlung pei theina dingin hi thuthlung thuhai hi pawm unla, zâwm ro.

DÂN PAHNINA 4:1

“Khai le, Israel mihai, Lalpa in pi le puhai Pathienin ram a pêk cheu chu dama in hluo theina dinga in pawm dinga ka închûktir hlak cheu dânhai le rorêlhai chu lo ngai ta u.

DÂN PAHNINA 4:45

Aigupta rama inthawka an hung suok laia Mosieinn Israel thlahai kuoma inhriettirna dâm, dân dâm, rorêl dâm a hril chu a nih;

DÂN PAHNINA 4:5

Ngai ta u, in va hluo ding rama khawm in zâwm pei dingin Lalpa ka Pathienin thu a mi pêk ang takin dânhai le rorêlhai chu kân chûktir cheu a.

DÂN PAHNINA 4:8

Hieng ang lâwma fel, dânhai le rorêlhai, tuta in hmaa ka zam po po ang dân nei hi hnam ropui dang tu am an um ve a?

DÂN PAHNINA 5:1

Chun, Mosiein Israelhai po po chu a ko khâwm a, an kuomah, “Aw Israel mihai, in inchûka in pawm dinga dânhai, thuruothai, in na hrieta vawisûna ka hril hi lo ngai ro.

JOSUA 22:5

Lalpa siehlaw Mosiein Lalpa in Pathien chu hmangai a, a lampuihai po po chu hraw a, a thupêkhai chu pawm a, ama chu chel tlat a, in lungril po po le thlarau po poa a rawngbâwl tlat dinga thu a pêk cheu kha; chu thupêk le dân dâm chu fîmkhurtakin vawng ṭhat tum phawt el unla,” a ta.

JOSUA 23:6

Chuleiin, Mosie dân lekhabua ziek po pohai hi changtienga manih, vawitienga manih in pêtsan nawna dingin huoitakin pawm unla, thaw bawk ro;

1 SAMUEL 18:14

Chun, David chu a thilthaw taphawtah feltakin a châng hlak a, Lalpa chu a kuomah a um a.

1 SAMUEL 18:30

Chuongchun, Philistin mi lienhai chu an vân thawk hlak a; chun, an hung inthawk dawk po leh David chu Saula siehlawhai po po nêka fel lemin a châng hlak a, chuongchun, a hming chu an chawisâng hle el ta a.

1 SAMUEL 18:5

Chun, Saula chun a tirna taphawta chun David chu a fe hlak a, feltakin a châng pei a; chun, Saula chun râl kâp mihai hotu dingin a siem a, chu chu mi po po ngaia le Saula siehlawhai ngaia khawm a ṭha êm êm a.