1 LALHAI 2:10 - Pathien Lekhabu Inthieng (BSI)

¹⁰ Chun, David chu a puhai kuoma chun a in innghil ve ta a, David khawpuia chun an phûm a.

1 LALHAI 2:10 ပူးပေါင်းရင်းမြစ်များ

2 SAMUEL 5:7

Nisienlakhawm, David chun Zion kul chu a lâk a, chu chu David khuo chu a nih.

2 SAMUEL 5:9

Chun, David chu kula chun a um a, David khuo tiin ân bûk ta a. Chun, David chun Milloa inthawkin a vêlin kul a siem a, a sûngtieng leh.

2 SAMUEL 7:12

I nihai a kina, i puhai kuoma i zâl pha chun, i hnunga i thla, i rîla ra ding chu tungding ka ta, a ram chu sukdet ka tih.

1 LALHAI 1:21

Chuong naw chun chu hieng hi hung nîng a ta, ka pu lal hi a puhai kuoma a in ve pha chun, kei le ka naupa Solomon hi thil suksuoltuah an mi ruot el ding a ni hi,” a ta.

1 LALHAI 11:21

Chun, Hadad chun Aigupta rama inthawka David chu a puhai kuomah a in ve tah ti le, sipai hotu Joab khawm a thi tah ti a lo hrietin, Hadad chun Pharao kuomah, “Ka rama ka fe theina dingin mîn suoktir ta la,” a ta.

1 LALHAI 11:43

Chuongchun, Solomon chu a puhai kuoma chun a in ta a, a pa David khawpuia chun an phûm ta a; chun, a naupa Rehoboam chu ama aiaw chun ân lal ta a.

1 LALHAI 14:31

Chun, Rehoboam chu a puhai kuomah a in ta a, David khawpuia a puhai kuoma chun an phûm ta a; a nu hming chu Naama, Ammon mi a nih. Chun, a naupa Abijam chu ama aiawin ân lal ta a.

1 LALHAI 15:24

Chun, Asa chu a puhai kuomah a in ta a, a pu David khawpuiah a puhai lai chun an phûm ta a; a naupa Jehosaphat chu ama aiawin ân lal ta a.

1 LALHAI 15:8

Abijam le Jeroboam chu an indo hlak a. Chun, Abijam chu a puhai kuoma chun a in ta a, David khawpuia chun an phûm ta a; ama aiawin a naupa Asa chu ân lal ta a.

1 LALHAI 22:51

Chun, Juda lal Jehosaphat inlal kum sâwm le kum sari kum chun Ahab naupa Ahazia chu Samari khuoa chun Israelhai chungah ân lal ṭan a; Israelhai chunga chun kum hni ân lal a.

1 LALHAI 3:1

Chun, Solomon chun Aigupta lal Pharao le inkungkeina a siem a, Pharao naunu a nei a, ama in le Lalpa in a bâwl hma le, Jerusalem khuo kula ân huol vêl hmakhat chun David khawpuia chun ân umtir a.

1 LALHAI 8:1

Chuongchun, Solomon chun Israel upahai le, an hnam lusahai po po dâm, Israel thlahai sûngkuo upahai chu Jerusalem khuoa lal Solomon kuoma chun David khawpui Ziona inthawkin Lalpa thuthlung bâwm zâwn dingin a ko khâwm tâwl a.

2 LALHAI 14:20

Chun, a ruong chu sakawrin an fepui a, a pi le puhai lai David khawpui Jerusalema chun an phûm ta a.

2 LALHAI 15:38

Chun, Jotham chu a pi le puhai kuomah a in ta a, a pi le puhai lai a pu David khawpuia chun an phûm ta a, a naupa Ahaz chu ama aiawin ân lal ta a.

2 LALHAI 16:20

Chun, Ahaz chu a pi le puhai kuomah a in a; a pi le puhai lai David khawpuia chun an phûm ta a; chun, a naupa Hezekia chu ama aiawin ân lal ta a.

2 LALHAI 8:24

Chun, Joram chu a pi le puhai kuomah a in ta a, a pi le puhai lai David khawpuia chun an phûm ta a; a naupa Ahazia chu ama aiawin ân lal ta a.

2 LALHAI 9:28

Chun, a mihai chun Jerusalem khuoah tawlailîrin an fepui a, ama thlânah a pi le puhai lai David khawpuiah an phûm ta a.

1 CHANCHIN SUINA 11:7

Chun, David chu kula chun a chêng ta a; chuleichun, David khawpui an ti ta a.

1 CHANCHIN SUINA 29:28

Ama chu upatakin, tarkûnin, hausatak le inzaumtakin a thi ta a; chuongchun, a naupa Solomon chun ama aia chun ro a rêl ta a.

2 CHANCHIN SUINA 24:16

Ama chu David khawpuiah lalhai laia chun an phûm a, Pathien le a in chunga le, Israel ram sûnga chun thil ṭha a thaw hlak leiin.

2 CHANCHIN SUINA 9:31

Chun, Solomon chu a thlatuhai kuomah a in a, a pa David khuoa chun phûm a ni ta a; a naupa Rehoboam chun ama aia chun ro a rêl ta a.

THILTHAWHAI 13:36

David chu, Pathien rorêlpêk angin a dam ruolpuihai rawng a bâwl zo khan, a in innghil a, a thlatuhai kuomah an inzâl a, a hmawn hmang tah a nih.

THILTHAWHAI 2:29

“Unauhai, chi thlatu David chanchin hi ṭi lovin in kuomah ka hril cheu a; ama chu a thi a; phûm khawm an phûm tah annâwm, a thlân khawm tu chen hin ei kuomah a la um zing a.