1 LALHAI 19:2 - Pathien Lekhabu Inthieng (BSI)

² Chuongchun, Jezebel chun Elija kuomah, “khâng mihai laia mi pakhat hringna anga zîngah hieng tik phât hin i hringna ka siempêk ve naw che chun pathienhai chun an law law mi law el hai sienla, chu nêka nasa lem khawm a,” tiin mi a tir a.

1 LALHAI 19:2 ပူးပေါင်းရင်းမြစ်များ

2 SAMUEL 19:13

Chun, Amasa kuomah, ‘Ka ru le ka tisa i ni naw am a nih? Joab aia ka hmaa sipaihai hotua ka siem nawtâk che leh Pathienin a law law mi law el raw se, chu nêka nasa khawmin,’ a ti a, va ti ro,” tiin mi a tir a.

2 SAMUEL 3:9

Lalpain a kuoma ṭawng a lo inkhâm ta anga David ta dinga ka thaw naw chun Abner chu a lâw law law el sienla, chu nêka nasa khawmin.

1 LALHAI 2:23

Chuongchun, lal Solomon chun, “Lalpa hming sâlin, Adonija thil hni hin ama chunga thina thuhril a ni naw tâkleh, Pathienin a law law mi law el sienla, chu nêka nasa khawm a.

1 LALHAI 2:28

Chun, chu thu chu Joab chun a lo hriet a, Joab chu Absalom tieng khan a ṭhang naw a chu, Adonija tienga ṭhang a ni si a. Chuongchun, Joab chu Lalpa Puon inah a tlân a, maichâm kihai chu a va chel ta a.

1 LALHAI 20:10

Chun, Benhadad chun a kuomah mi a tir nâwk a, “Ka hnungzuituhai po po hin Samari khaw pilvut veikhat chau khawm an changkim thei ding chun pathienhaiin an law law mi law hai sienla, chu nêka nasa khawm a,” a ta.

2 LALHAI 19:22

Tu am i sukhmingsiet a, i hrilsiet? Tu chung âm i râwl i sukpuom a, i mit i meng insâng? Israel Mi Inthieng chunga hin annâwm.

2 LALHAI 6:31

Chuongchun, ama chun, “Vawisûn hin Saphat naupa Elisa chun a lu a la put hrim hrim chun, Pathien chun a law law mi law el raw se, chu nêka nasa hman khawm chun,” a ta.

FESUOKNA 10:28

Pharao chun a kuomah, “Ka kuoma inthawkin fe hmang la, ka hmêl hrim hrim hung hmu nâwk ta lo dingin fîmkhur rawh, ka hmêl i hmu nâwk ni ni chun i thi ngei ding a ni si a,” a ti a.

FESUOKNA 15:9

Hmêlma chun, ‘Hnawt ka ta, hnawtphâk ka ta, râllâk thil chu sem ka tih; Ka dittâwkin annia inthawk lâng ka ta, Ka kâwlhnâm phawi ka ta, ka kutin anni sukbohmang ka tih,’ a ti a.

THUVARHAI 27:1

Zînga dingin nang le nang insuong naw la, Ni chun ieng am a hung suokpui ding ti i hriet si naw a.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an ti a.

JEREMIA 26:21

chun, lal Jehoiakim le, a mi hrâthai po po le, lalhai po poin a hril an hriet chun lal chun ama chu sukhlum a tum ta a; nisienlakhawm, Uria chun a lo hriet chun a ṭi a, a tlân a, Aigupta rama chun a fe ta a;

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

RUTH 1:17

i thinaa chun thîng ka ta, chutaka chun phûmin um ve el ka tih. Nang le kei hi thina chau naw thil dangin a mi ṭhe ding chun Lalpain a law law mi law el sienla, chu nêka nasa khawmin,” a ti a.