1 LALHAI 17:4 - Pathien Lekhabu Inthieng (BSI)

⁴ Chun, chu vadung tui chu tlân i ta, chutaka châwm ding chein vaâkhai thu ka pêk tah a nih,” tiin.

1 LALHAI 17:4 ပူးပေါင်းရင်းမြစ်များ

1 LALHAI 13:28

Chun, a fe ta a, a ruong lampuia inthal dêra lo um le, sabengtung le sakeibaknei ruong bula lo ngîr zing chu a va hmu a; sakeibaknei chun ruong chu a lo la fâk naw a, sabengtung khawm chu a lo la sukpawp naw bawk a.

1 LALHAI 17:3

“Hitaka inthawk hi suok la, khawsak tieng panin fe la, Jordan bula um Kerith vadunga chun hang inbihmang rawh.

1 LALHAI 17:5

Chuongchun, a fe a, Lalpa thu ang chun a thaw ta a; Jordan kâwla um Kerith vadunga chun a hang um ta a.

1 LALHAI 17:9

Tho la, Zidon rama Zarephath khuoah fe la, chutaka chun um rawh; ngai ta, a châwm ding chein hmeithai pakhat thu ka pêk tah,tiin.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

JOB LEKHABU (THE BOOK OF JOB) 38:41

A têhai chu Pathien kuomah an khêk a, Fâk ding tlasama an umin Vaâk chu tuin am fâk ding a pêk a?

INPÂKNA HLABU 147:9

Ama chun sa kuomah a fâk ding a pêk hlak a, Vaâk tê inhrâm inhrâmhai kuoma leh.

JONA 2:1

Chun, Jona chu nga phîng sûnga inthawk chun Lalpa a Pathien kuoma chun a ṭawngṭai a.

NAMBAR 20:8

Chuongchun, Lalpain Mosie chu, “Hmawl la la, pungkhâwmhai chu inumkhâwmtir la, nang le i unau Aron leh, an mithmuah lungpui chu a tui suksuok dingin hril la, lungpuia inthawk chun tui la suokpêk i ta; chuongchun, pungkhâwmhai le an ranhai chu în dâwntir ding annâwm,” tiin a biek a.

MATTHAI 4:11

Chu hnunga chun diebol chun a zâmsan ta a. Chun, ngai ta, vântirkohai hungin a rawng an bâwlpêk ta a.

MATTHAI 4:4

Nisienlakhawm, ama chun, “Mihriem hi bei chauin hring naw ni hai a, Pathien baua thu tin suokin hring lem an tih,” ti ziek a nih, tiin a dawn a.