1 LALHAI 16:2 - Pathien Lekhabu Inthieng (BSI)

² “Pilvuta inthawkin ka dawm sâng che a, ka mi Israelhai chunga hin hotuah ka siem che a, chun, nangin Jeroboam lampui hraw chu i hraw a, an suolnahaia an mi suklungsenna dingin ka mi Israelhai chu thil în suksuoltir a;

1 LALHAI 16:2 ပူးပေါင်းရင်းမြစ်များ

1 LALHAI 14:16

Chun, Israelhai chu thil insuksuoltira a thaw Jeroboam suolnahai leiin Israelhai chu nghatsan a tih,” a ta.

1 LALHAI 14:7

Fe nâwk ta la, Jeroboam kuomah, ‘Lalpa Israelhai Pathienin hieng ang hin a tih, Mipuihaia inthawk hin ka dawmsâng che a, ka mi Israelhai chunga hin hotuah ka siem che a,

1 LALHAI 15:26

Lalpa mithmuin thil ṭha nawtak a thaw hlak a; a pa lampui hraw chu a hraw ve a, Israelhai thil insuksuoltira a suksuolna kha a thaw ve a.

1 LALHAI 15:34

Lalpa mithmuin thil ṭhanawtak a thaw hlak a, Jeroboam lampui hraw chu a hraw ve a, Israelhai thil insuksuoltirnaa a suksuolna kha a thaw ve a.

FESUOKNA 32:21

Mosie chun Aron kuomah, “Hi mipui hin i kuomah ieng am an thawa hienga an chunga suol nasatak în tlungtir hi?” a ti a.

JEREMIA 7:18

Naupanghai chun thing an inkhâwm a, pahai chun mei an sêm a, nuhmeihai chun bei an hmet a; vân lalnu ta dinga beithlum siem dingin le, lunginsennaa an mi chawktho theina dinga pathien danghai kuoma dâwnmi thilinhlânhai dâm chu bur dingin.

MATTHAI 5:19

Chuongchun, tukhawm hieng thupêk laia pakhat, a chîntak khawm bawsea, chuonga thaw ve dinga mihai inchûktir taphawt chu, vân rama chun mi chîn tak tîng an tih; amiruokchu, tukhawm zâwma inchûktir taphawt chu, vân rama chun mi lien tîng an tih.

LUKA 1:52

An ṭhungphaa lal inṭhunghai chu a hnûk thlâk a. Mi inhnuoihai chu a dawm sâng ta a.

1 SAMUEL 2:24

Ni lo, ka naupasalhai, in chanchin ka lo hriet hi a ṭha naw tieng ruok a nih; Lalpa mihai chu in inbawsiettir a nih.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.

1 SAMUEL 26:19

Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu Lalpa a ni chun thilinhlân chu pawm hrâm sienla; mihriem nauhai an ni ruok chun Lalpa hmaah ṭawngsephurin um raw se, ‘Fe la, pathien danghai rawng bâwl rawh,’ tia Lalpa ro ka hluo thei nawna dinga vawisûn hin an mi hnawt hmang ka ni si a.