1 LALHAI 15:9 - Pathien Lekhabu Inthieng (BSI)

⁹ Israel lal Jeroboam chu kum sâwmhni ân lal kum chun Asa chu Judahai chungah ân lal ṭan a.

1 LALHAI 15:9 ပူးပေါင်းရင်းမြစ်များ

1 LALHAI 15:10

Chun, kum sâwmli le kum khat chu Jerusalemah ân lal a, a pi hming chu Maaka, Abisalom naunu a nih.

1 LALHAI 15:8

Abijam le Jeroboam chu an indo hlak a. Chun, Abijam chu a puhai kuoma chun a in ta a, David khawpuia chun an phûm ta a; ama aiawin a naupa Asa chu ân lal ta a.

2 CHANCHIN SUINA 13:20

Abija dam sûng chun Jeroboam chu a hrât suok nâwk ta ngai naw a; Lalpa chun a hrem a, ama chu a thi ta a.

2 CHANCHIN SUINA 14:1

Chuongchun, Abija chu a thlatuhai kuoma chun a in ta a, ama chu David khawpuia chun an phûm a, a naupa Asa chun ama aia chun ro a rêl ta a; ama inlal sûng chun kum sâwm sûng chu ram chu râlmuongin a um a.

2 CHANCHIN SUINA 15:8

Asa chun hieng thu le, zâwlnei Oded thuhrilhai chu a hriet chun, ân sukhuoi a, Juda le Benjamin ram po poa le Ephraim tlâng rama khawpui a lâkhaia inthawka tirdakumnahai po po chu a sie hmang ta a; Lalpa maichâm Lalpa tuolpûk hmaa um chu a siem thar bawk a.