1 LALHAI 14:4 - Pathien Lekhabu Inthieng (BSI)

⁴ Chun, Jeroboam nuhmei chun chuong ang chun a thaw a, a tho a, Silo-a chun a fe a, Ahija ina chun a va fe ta a, Ahija chun khuo khawm a hmu thei ta naw a, a upat leiin a mit ân thim si a.

1 LALHAI 14:4 ပူးပေါင်းရင်းမြစ်များ

INṬANNA 27:1

Isak chu a hung tar a, khaw hmu thei lo khawpa a mit a hung inthim chun, a naupa upa lem Esau chu a ko a, a kuomah, “Ka naupa,” a ti a: ama chun, “Hitaka hin ka um,” a ti a.

INṬANNA 48:10

Israel chu a upat leiin a mit ân thim taa, a hmu fie thei naw a nih. Chun, a hung ṭhuoi hnai a; chun, ama chun a lo fâwp a, a lo pawm a.

1 LALHAI 11:29

Chun, chuong lai chun hieng ang hi a hung na, Jeroboam chu Jerusalem khuoa a fe suok chu Silo zâwlnei Ahija chun lampuia chun a lo hmu a; Ahija chun puon thar hi a sil a, an pahni chau chun phûla chun an um hmunkhat a.

1 LALHAI 14:2

Chun, Jeroboam chun a nuhmei kuomah, “Tho la, Jeroboam nuhmei a nih ti an hriet nawna ding chein insukdanglam la, Silo-ah va fe ta khai; ngai ta, chutaka chun zâwlnei Ahija, hieng mihai chunga lala ka la um dingzie, ka chungchâng thu hriltu kha a um ie.

INPÂKNA HLABU 90:10

Kan dam sûng kumhai chu kum sâwmsari a na, Hrâtna leiin kum sâwmriet khawm a ni thei. Nisienlakhawm, a sâwtna chu sininrimna le lungngaina chau a nih; A bo vak a, keini khawm kan vuong hmang hlak a ni hi.

THUHRILTU 12:3

In vêngtuhai chu an inthin a, mi hrâthai chu an kûn a, bu râwttuhai chu an tlâwm leia an maa, tukvera dâkhai chu an inthim nia chun;

DÂN PAHNINA 34:7

Mosie chu a thi chun kum za le sâwmhni mi a nih; a mit ân thim naw a, a tha khawm a ṭhum chuong nawh.

JOSUA 18:1

Chun, Israel mipui pungkhâwmhai po po chu Silo khuoah an inkhâwm ta a, chutaka chun inbiekna puonin an zar a; ram chu an thu hnuoiah a hung um ta a.

1 SAMUEL 3:2

Chun, hieng hi a hung na, Eli chu ama hmuna a zâl laiin (a mit ân thim ta deu a, khuo a hmu ṭha thei mang ta naw a),

1 SAMUEL 4:15

Eli chu kum sâwmkuo le kum riet mi a na, a mit ân thim ta a, khuo a hmu thei ta naw a.