1 LALHAI 13:34 - Pathien Lekhabu Inthieng (BSI)

³⁴ Chun, thil chu Jeroboam sûng- kuo suolna, anni ngei sukchimittu le khawvêla inthawka sukbohmang hlautu a hung ni ta a.

1 LALHAI 13:34 ပူးပေါင်းရင်းမြစ်များ

1 LALHAI 12:26

Chun, Jeroboam chun a lungrilin, “Ram hi David sûnghai ta hi a hung ni nâwk el âwm ie,

1 LALHAI 12:30

Chu thil chu suol a hung ni ta a nih, mipuihai chu an pahnia be ding chun Dan chen rauin an va fe hlak si a.

1 LALHAI 14:1

Chuong lai chun Jeroboam naupa Abija chu a damnaw a.

1 LALHAI 14:10

chuleiin, ngai ta, Jeroboam sûngkuo chunga hin thil ṭha naw hung intlungtir ka ta. Jeroboama inthawk hin naupasal taphawt chu Israel rama mi khuokhira um le, khuokhir naw khawm sukbohmang ka ta, miin êk a phît fai rêt ang hin Jeroboam sûngkuo hi a mang dêr hmakhat chun ka phît fai rêt ding a nih.

1 LALHAI 14:11

Jeroboam sûngkuo laia mi, khawpuia thi taphawthai chu uiin fâng an ta; rama thi taphawthai chu chunglêng vatehaiin fâng an tih; chu chu Lalpain a hril tah a nih,’ ti rawh.

1 LALHAI 14:16

Chun, Israelhai chu thil insuksuoltira a thaw Jeroboam suolnahai leiin Israelhai chu nghatsan a tih,” a ta.

1 LALHAI 14:7

Fe nâwk ta la, Jeroboam kuomah, ‘Lalpa Israelhai Pathienin hieng ang hin a tih, Mipuihaia inthawk hin ka dawmsâng che a, ka mi Israelhai chunga hin hotuah ka siem che a,

1 LALHAI 15:25

Chun, Jeroboam naupa Nadab chu Juda lal Asa inlal kum hninaa chun Israelhai chungah ân lal ṭan a; Israelhai chunga chun kum hni ân lal a.

1 LALHAI 15:26

Lalpa mithmuin thil ṭha nawtak a thaw hlak a; a pa lampui hraw chu a hraw ve a, Israelhai thil insuksuoltira a suksuolna kha a thaw ve a.

1 LALHAI 21:22

nangin i mi suklungsen lei le, Israelhai chu thil în suksuoltir leiin Nebat naupa Jeroboam sûnghai le Ahija naupa Baasa sûnghai ang elin i sûnghai hi siem ka tih,” a ta.

2 LALHAI 10:29

Nisienlakhawm, Nebat naupa Jeroboam suolna-Israelhai thil insuksuoltira a thawhai chu Jehu chun a bân chuong naw a; chu chu Bethel khuo le Dan khuoa rângkachak bâwngte lim biek a nih.

2 LALHAI 10:31

Nisienlakhawm, Jehu chun Lalpa, Israelhai Pathien dân chu a lungril po poin a pawm naw a; Jeroboamin Israelhai thil insuk- suoltira a suksuol kha a bân chuong naw a.

2 LALHAI 17:21

Israelhai chu David sûnghai an nina chu a peipêk ta a, chuongchun, Nebat naupa Jeroboam kha lal dingin an siem a, chun, Jeroboam chun Israelhaiin Lalpa an zui chu a lo kuoipêt a, thil suol nasatak ân thawtir a.

THUVARHAI 13:6

Kawnglama mi tluong chu felnain ama a vêng a, Khawhlona ruok chun mi suol chu a buon thlûk.

JEREMIA 28:16

Chuleiin, Lalpa chun hieng hin a tih: Ngai ta, leihnuoi chunga inthawk hin ka tir hmang ding che a nih; Lalpa kala khêlthu i hril leiin, tu kum hin i thi ding a nih,” tiin.

HOSEA 10:8

Israel suolna Aven hmun insânghai khawm chu suksiet nîng a tih, An maichâmahai chun hling le hlohlingnei hung ṭo a tih. Tlâng kuoma chun, “Mîn khum rawh,” tîng an ta; Muol kuoma chun, “Mi del rawh,” tîng an tih.