1 LALHAI 13:2 - Pathien Lekhabu Inthieng (BSI)

² Chun, Lalpa thuin maichâm chu a hrângkhum a, “Aw maichâm, maichâm, Lalpa CHUN HIENG ANG HIN A TIH, ‘Ngai ta, David sûnghai laiah naupa a hming Josia la hung pieng a ta, i chunga riminhnik raw hlaktu, bâwlhmun thiempuhai hi i chunga hin inthâwina dingin la hung inhlân a tih, i chunga hin mihriem ruhai la hung râwng an tih,’ tiin,” a ta.

1 LALHAI 13:2 ပူးပေါင်းရင်းမြစ်များ

1 LALHAI 13:32

Pathien thua Bethela maichâm le, Samari ram khawpuihaia bâwlhmun inhai po po a hrângkhumna thu kha hung tlung ngei ngei ding a ni si a,” tiin a hril a.

2 CHANCHIN SUINA 34:1

Rorêl a ṭan chun Josia chu kum rieta upa a na, Jerusalema chun kum sâwmthum pakhat sûng ro a rêl a.

2 CHANCHIN SUINA 34:3

Naupang a la ni laiin, a rorêl a kum rietnaa inthawk chun a thlatu David Pathien chu a zawng ṭan a; chun, kum sâwmpahninaa chun Juda ram le Jerusalem chu Asera dâm, milim a kera kerhai dâm, milim a sunga sunghai dâm le bâwlhmun po poa inthawk chun a sukthieng ṭan ta a.

ISAI 1:2

Aw vânhai, ngai unla, aw leihnuoi, na sit rawh, Lalpa chun thu a hril ie: “Nauhai chu ka châwm puitling a, ka chungah an hel ta si a.

ISAI 42:9

Ngai ta u, kha hma thilhai chu a hung tlung tah, thil tharhai ka hril a ni hi; an mâwng hmain an chanchin ka hril cheu a ni hi.

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka ti a,

ISAI 58:1

“Inringtakin khêk rawh, indawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

JEREMIA 1:2

Ama kuoma chun Juda lal Amon naupa Josia hun lai, a rorêl a kum sâwm le pathum kum chun Lalpa thu chu a hung tlung a,

JEREMIA 22:29

Aw leihnuoi, leihnuoi, leihnuoi, Lalpa thu chu ngai ta.

EZEKIEL 36:1

“Chun, nang mihriem naupa, Israel tlânghai chungah thu hril la, hieng hin hril rawh, Nangni Israel tlânghai, Lalpa thu chu hre ro.

EZEKIEL 36:4

nangni Israel tlânghai, Lalpa Pathien thu chu lo ngai ta u; Tlânghai kuoma dâm, muolhai kuoma dâm, tui luongnahai kuoma dâm, phairuomhai kuoma dâm, khawpui mâksana um le suksieta râusana umhai kuoma dâm, an sîrvêla hnamhai la um sunhai ifâk zo le hrilsîma lo um tahai kuoma chun, Lalpa Pathien chun hieng hin a ti a nih;

EZEKIEL 38:4

i hnung innghattir ka ti che a, i khâkruhaia chun ngakuoihai kuoi ka ta, nang le i sipai pâwl po po, kâwlhnâm hmangtuhai po po, âwmphaw le phaw hmanga pâwl nasatakhai leh, râlthuom famkima inthuomhai po po le, sakawrhai le i sakawr chung chuong mihai po po leh ka khai dawk ding cheu a nih,

LUKA 19:40

Ama ruok chun, “Ka hril cheu hi, hienghai hi an to zing chun, lunghai bêk an khêk suok ding a nih,” a ta, a dawn a.

DÂN PAHNINA 32:1

“Na lo sit ro, vânhai ka hril ding a nih; Ka ṭawngbau suok leihnuoi hin lo ngai raw se,