1 LALHAI 11:7 - Pathien Lekhabu Inthieng (BSI)

⁷ Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

1 LALHAI 11:7 ပူးပေါင်းရင်းမြစ်များ

INṬANNA 33:2

Suoknuhai le an nauhai chu a hmatâwng takah, Leah le a nauhai chu a dawtah, Rakil le Josef chu a nuhnung takah a sie a.

2 SAMUEL 15:30

Chuongchun, David chu Oliv tlâng hang fenaa chun a hang fe a, fe malam chun a ṭap malam pei a, a lu a khum a, ke ruokin a fe a; chun, a kuoma mi po pohai chun an lu an khum seng a, ṭap pum peiin an hang fe a.

1 LALHAI 11:5

Solomon chun Zidon mihai pathiennu Astoreth le Ammon mihai pathien tirdakumtak Milkom chu a lo zui ve ta a.

1 LALHAI 11:6

Chun, Solomon chun Lalpa mithmua chun thil suol a lo thaw ta a; a pa David ang khan Lalpa chu a zui tlat ve ta naw a.

1 LALHAI 11:8

Chuong ang bawk chun hnam dang a nuhmeihai po po an pathien kuoma inthâwia riminhnik raw hlakhai ta ding khawma a siempêk a.

1 LALHAI 15:12

Chun, pasal inzawrhai chu a rama inthawkin a hnawt suok a, a puhaiin milim an lo siemhai po po chu a sukbo vawng a.

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna dingin Hinnom thlahai ruoma Topheth chu a sukbo ta bawk a.

2 CHANCHIN SUINA 21:11

Chunawa khawm chun Juda ram tlângahai chun bâwlhmunhai a siem a, Jerusalema umhai chu ân uirettir a, chuongchun, Juda ram chu an lo ṭhuoi hmang ta a.

INPÂKNA HLABU 78:58

An hmun insânghaiin ama chu an suklungsen hlak si a, An milim siemhaiin an inthîktir bawk a.

ISAI 44:19

Tukhawma an hriet suok nâwk naw a, “Ṭhenkhat chu meiah ka ti si a; anih; a aia khawm bei ka em nghe nghe a; sa khawm ka raw a, ka fâk si a, a mahla chu thil tirdakumah ka siem ding am a nih? Thinga mi bawkkhupin chibai ka bûk ding am a nih? ti dingin annia chun hrietna le hrietthiemna a um bawk nawh.

JEREMIA 32:31

Hi khawpui hi an bâwl ṭan nia inthawk vawisûn ni chen hin, keia ta ding chun ka ṭiumna le ka lunginsenna chawkthona chau a nih; chuongchun, ka hmaihmaa inthawkin ka sawn hmang ding a nih;

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

JEREMIA 48:13

An ringtak Bethel chu Israel sûngkaw ta dinga inzapuium a ni ang khan, Moab chu Kemos chun inzapui a tih.

JEREMIA 48:46

Aw Moab, i chung a va rik de! Kemosa mihai chu hmanglo an nih, i naupasalhai chu sala ṭhuoiin an um a, i naunuhmeihai khawm chu salah an intâng si a.

EZEKIEL 18:12

mi tlasam le mi rimsihai lo insuksuoltir ta a, thawluinaa lo sukse ta a, hnina lo ngaisak lo a, milimhai tienga a mithai lo inlên ta a, tirdakumnahai lo thaw ta a,

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 12:11

Chun, pumrawhmang thilinhlân rawp hi lâk hmang le, sukrêmna tirdakum intluntu uma inthawkin ni sâng khat za hni sâwmkuo um a tih.

LEVI DÂN 26:30

In bâwlhmunhai sukchim ka ta, in milimhai sukthlûng ka ta, in ruonghai chu in milimhai chungah pei ka ta; chun, ka hringna khawmin a theida ding cheu a nih.

MIKA 1:5

Hieng po po hi Jakob bawsietna le Israel sûngkuo suolnahai lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?

ZEKARIA 14:4

Chu nia chun a kehai chu Oliv tlânghai, Jerusalem sak ela umhai chunga chun ngîr a ta, chun, Oliv tlânghai chu a laia chun saktieng le thlangtienga chun kakintan a ta, chuongchun, ruom nasatak hung um a tih; chun, chu tlâng chenve chu hmârtieng insawn a ta, a chenve dang chu simtieng insawn a tih.

NAMBAR 21:29

Arnon hmun insâng lalhai chu, I chung a rik de, Moab! I bohmang a ni tah, aw Kemos chibai bûktuhai, A naupasalhai chu tlânse ding le, A naunuhmeihai chu sala um dingin a pêk a, Amor mihai lal Sihon kuomah.

NAMBAR 33:52

Kanaan ram in lût pha chun, chu rama um po pohai chu hnawt suok vawng in ta, an lung milimhai po po chu sukse vawng in ta, an milim sunghai khawm sukse vawng in ta, an bâwlhmunhai khawm in ṭhiek vawng ding a nih;

MATTHAI 26:30

Chun, hla an sak zoin an suok a, Oliv tlânga chun an fe ta a.

THILTHAWHAI 1:12

Chun, Oliv tlâng an tia inthawk chun Jerusalemah an kîr nâwk ta a; chu tlâng chu Jerusalem kâwl a nih. Châwlnia lêngna tâwk chau a nih.

THILTHAWHAI 1:9

Chun, chuong thu chu a hril zoin an hmu zing pumin, vân tienga ṭhuoiin a um a; chun, sûmin an hmu phâk nawah a ṭhuoi hmang ta a.

THILTHAWHAI 7:43

Molok puon in le pathien Rephan arasi khawm chu, Chibai bûk dingin a lim in siemhai kha, In zâwm lem hlak a; Chuleiin, Babulon khaw khêl tieng Ṭhuoi hmang ka ti cheu,’ ti ziek ang khan.

DÂN PAHNINA 13:14

ṭhahnemngaitakin indawn vêl unla, zawng suok ro; chun, ngai ta u, thudik a lo ni a, chuong anga thil tirdakum nangni laia thaw a ni hriet chieng a ni chun,

DÂN PAHNINA 27:15

“‘Themthiemhai kutsuok Lalpa ta dinga tirdakum milim indin fâwm amanih, sung fâwm amanih kawltu taphawt chu ṭawngsephurin um raw se,’ tîng an ta, mipuihai po po chun, ‘Amen’ lo tîng an ta, an lo dawn ding a nih.

RORELTUHAI 11:24

I pathien Kemos-in i puola a lo ruotpêk che chu i nei el ding a ni naw am a nih? Chun, Lalpa kan Pathienin kan hmaa a lâkpêkhai chu kan nei ding a nih.