1 LALHAI 11:4 - Pathien Lekhabu Inthieng (BSI)

⁴ Chun, Solomon chu a hung upat hnung chun, a nuhmeihai chun pathien dang kuom tienga chun a lungril an ṭhuoi kâwipêk ta a, chuongchun, a pa David lungril angin Lalpa a Pathien tienga chun a lungril chu a hung ṭha famkim ta naw a.

1 LALHAI 11:4 ပူးပေါင်းရင်းမြစ်များ

1 LALHAI 11:2

chuong hnamhai chungchâng thu chu Lalpain Israel mihai kuomah, “Anni chu pâwl naw unla, anni khawma pâwl naw raw hai se cheu; an pathienhai tieng in lungril an kei kâwi ngei âwm si a,” tiin a lo hril ta hrim a; chuonghai chu Solomon chun hmangainain a chel tlat a.

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 11:38

Chun, thu ka pêk ang taphawt che i pawm a, ka lampuihai i hraw a, ka siehlaw David anga ka thuruothai le ka thupêkhai zâwm dinga ka mithmua thilṭha i thaw chun i kuomah um pei ka ta, David kân ngîrpêk ang khan sûngkuo nghettak inngîrpêk ka ti che a, Israelhai hi pêng ka ti che.

1 LALHAI 11:42

Solomon chun Israelhai po po chunga Jerusalem khuoa ro a rêl sûng chu kum sâwmli a nih.

1 LALHAI 11:6

Chun, Solomon chun Lalpa mithmua chun thil suol a lo thaw ta a; a pa David ang khan Lalpa chu a zui tlat ve ta naw a.

1 LALHAI 11:9

Chuongchun, Lalpa chu Solomon chunga chun a lunginsen ta a, Lalpa Israelhai Pathien a kuoma vawihni lai inlâr chu a lungrila phatsanin,

1 LALHAI 14:21

Chun, Solomon naupa Rehoboam chu Judai ramah ân lal a. An lal tîr lai chun Rehoboam chu kum sâwmli le kum khat mi a na, Lalpain a hming inumtirna dinga Israel hnam po pohai laia a thlang khawpui Jerusalema chun kum sâwm le kum sari ân lal a; a nu hming chu Naama, Ammon mi a nih.

1 LALHAI 15:14

Bâwlhmunhai ruok chu a sukbo naw a, nisienlakhawm, Asa lungril chu a dam sûng po chun Lalpa tieng chun a ṭha famkim a nih.

1 LALHAI 15:3

A hmaa a pain thil suol a thawhai po po kha a thaw ve a; a pu David lungril angin a lungril chu Lalpa a Pathien tienga chun a ṭha famkim ve naw a.

1 LALHAI 3:3

Solomon chun Lalpa chu a hmangai a, a pa David thuruothai chu a zâwm hlak a, bâwlhmunahai ân thâwi a, rim inhnikhai a raw el hlaka chu.

1 LALHAI 6:1

Israel thlahai Aigupta rama an suok chena inthawk kum za li le kum sâwmrietna kum, Israelhai chunga Solomon inlal kum lina, Ziv thla, thla hninaa chun Lalpa in bâwl chu a ṭan a.

1 LALHAI 8:61

Chuongchun, a thuruot anga um ding le, a thupêkhai zâwm dingin Lalpa ei Pathien tienga chun in lungrilhai ṭha famkimin um raw se; vawisûn ang zing hin,” tiin.

1 LALHAI 9:10

Chun, Solomon chun in pahni, Lalpa in le lal in a bâwl sûng, kum sâwmhni an vawi hnungin

1 LALHAI 9:4

Chun, nang khawm hi thu ka pêk ang taphawt chea thaw dinga i pa David um anga lungril ṭhatak put le lungril indiktak puta ka mithmua i uma, ka thuruothai le ka rorêlhai i pawm zing chun.

2 LALHAI 20:3

“Aw Lalpa, i hmaa thutak le lungril ṭha famkim puta ka um hlakzie le, i mithmua thil ṭha ka thaw hlakzie kha hre zing dingin ka hung ngên che a nih,” tiin. Chun, Hezekia chu a ṭap ta ngawi ngawi a.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

1 CHANCHIN SUINA 29:19

ka naupa Solomon kuoma khawm, i thupêkhai le, i thu inhriettirhai le, i thuruothai chu zâwm dingin le, hieng thilhai po po hi thaw a, a châkkhai ka lo sielâwk tahai chun lalin bâwl dingin lungril ṭha famkim pe bawk rawh,” a ta.

2 CHANCHIN SUINA 17:3

Chun, Lalpa chu Jehosaphat kuoma chun a um a, a thlatu David lampui hmasahai chu a hraw lei le Baal chu zawng lova,

2 CHANCHIN SUINA 25:2

Lalpa mithmuah thil indik chu a thaw a; amiruokchu, lungril ṭha famkim leh ni lovin.

2 CHANCHIN SUINA 34:2

Lalpa mithmuah thil indik chu a thaw a, a thlatu David lampuihai chu a hraw a, changtienga manih, vawitienga manih khawm a pêthmang naw a.

FESUOKNA 20:3

Kei naw chu pathien danghai i nei ding a ni nawh.

DÂN PAHNINA 17:17

Chuong naw chun a lungril invâkhmang rawi a tih. Nuhmei khawm a hau ding a ni naw a, tangka le rângkachak khawm a hau bawk ding a ni nawh.

DÂN PAHNINA 7:4

In nauhai tuta mi zuituhai hi, pathien danghai rawngbâwl dingin ṭhuoikawiin um an ta; chun, Lalpa lunginsenna chu in chungah sukchawkin um a ta, sukbohmang vak el a ti cheu.