1 LALHAI 11:3 - Pathien Lekhabu Inthieng (BSI)

³ Chuongchun, nuhmei za sari, lal naunu a nei a, thaikêm za thum leh; chun, a nuhmeihai chun a lungril an ṭhuoi kâwipêk ta a.

1 LALHAI 11:3 ပူးပေါင်းရင်းမြစ်များ

2 CHANCHIN SUINA 11:21

Chun, Rehoboam chun a nuhmeihai le a thaikêmhai po po nêkin Absalom naunu Maaka chu a hmangai lem a, (nuhmei chu sâwmpariet a nei a, thaikêm sâwmruk leh; chun, naupasal sâwmhni pariet le naunuhmei sâwmruk a nei bawk si a).

ESTHER 1:18

Chuongchun, vawisûna Media le Persia lalnauhai, lalnu thilthaw lo hretuhai chun lalpa mi ṭhahai kuoma chun chuong ang bawkin an ti ve ngei ding a na; chuleiin, inkhingna le lunginsenna nasatak a hung suok ngei ding a ni hi.

THUHRILTU 2:8

Rângkachak le tangka kân khâwlpêk a, rambung le lalhai ro thil bîkhai dâm le chun. Pasal hlasaktu le nuhmei hlasaktuhai, mihriem nauhai lâwm zâwng ang, thaikêm khawm tamtak ka nei a.

THUHRILTU 7:28

chu chu ka lungril hin a zawng zing a, nisienlakhawm, ka la hmu suok naw a; pasal pakhat sâng khat laia chu ka hmu suok a; amiruokchu, chuonghai lai po poa nuhmei pakhat chu ka hmu suok zo nawh.

HLAHAI HLA 6:8

Lalnu sâwmruk le, thaikêm chu sâwmriet an um a, Chun, nunghâk chu tiem sêng lo.

HLAHAI HLA 6:9

Ka vaṭhu, ka ṭha famkim chu, pakhat chau a nih; Ama chu a nu nau nei sun a na, Ama châwitu nu lunglam tak chu a nih. Naunuhmeihai chun an hmu a, ama chu vângnei an ti a, Anih, lalnuhai le, thaikêmhai le chun ama chu an inpâk a.

DÂN PAHNINA 17:17

Chuong naw chun a lungril invâkhmang rawi a tih. Nuhmei khawm a hau ding a ni naw a, tangka le rângkachak khawm a hau bawk ding a ni nawh.

RORELTUHAI 3:6

an naunuhmeihai chu nuhmeiin an nei a, chun an naunuhmeihai chu anni naupasalhai an inneitir thung a, an pathienhai rawng chu an bâwl ta a.

RORELTUHAI 9:5

Chun, Ophra khuoa a pa ina chun a va fe a, Jerubbaal nauhai, a unauhai sâwmsari chu lung pakhat chungah a that tâwl a; Jerubbaal naupa a naupang tak Jotham ruok chu a lo inbi hlau leiin a that naw a.